《台語荒漠甘泉（全羅版）》

 | | | 轉寄

"Bô khó-lîng ê sū"

作者 陳清俊 翻譯 2011.11.27

listen

Tsa̍p-it ge̍h jī-tshit (Tsa̍p-it ge̍h jī-tsa̍p-tshit ji̍t)

"In-uī Siōng-tè só͘ kóng ê uē, bô tsi̍t kù bô la̍t." (Lō͘-ka 1:37)

Tī Au-tsiu siōng kuâiⁿ ê suaⁿ, A-lí-phí-sú suaⁿ (Alpine) ê suaⁿ kok tiong, Siōng-tè ta̍k-nî tsiū teh tshòng-tsō kî-tsik. Ji̍t-sî ū tuā thài-iông tsiò, àm-sî ū ping-seh tàng, khì-hāu piàn-huà tsin tuā. Tsóng-sī tī ping-seh khah po̍h ê só͘-tsāi, ū tsi̍t tsióng hue-tsháu, uē tuì ping ê tiong-kan puh tshut-lâi tsin tshàn-lē ê hue-luí. Tse sió-sió ê hue, kiò tsuè “ko-san tsing hue” (soldanelle plant). I thài uē ū tsiah nih tuā ê lîng-li̍k ah?

Guân-lâi tsit tsióng hue-tsháu, tng jua̍h-thiⁿ ê sî, i tsiong hio̍h tshun tī tē ni̍h tsin khuah, thang khip-siu ji̍t-thâu ê kng kap jia̍t, tsiah ê lîng lóng tsûn tī i ê kun ê lāi-bīn. Tng tshun thiⁿ kàu, seh ni̍h ê sìⁿ-miā khai-sí tshíⁿ khí-lâi, sió-sió ê hue-tsháu puh gê, kî-biāu lâi huat tshut suè-suè ê jia̍t-khì, tsiām-tsiām tsiong tíng-bīn ê seh iûⁿ tshut tsi̍t ê khì-lông.

Tsit ê si̍t-bu̍t ná tuā-tsâng, tī tíng-bīn ê khì-lông tsiū ná tuā lia̍p, it-ti̍t kàu hue-m̂ an-tsuân ê hîng-sîng hó-sè. Siōng-bé, khàm-tī tíng-bīn ê ping-seh hō͘ khì-lông tuā kàu phuà tsi̍t khang. Si̍t-bu̍t ê hue-m̂ tsiū tuì tsit ê khang tshìng tshut-lâi seh tíng, khui tshut suè-suè tsí-sik ê hue, i ê hue-phìⁿ kim-siak-siak, ná tshin-tshiūⁿ king-kè tsi̍t tuāⁿ tsin thòng-khó͘ ê hîng-tîng só͘-tì ê kì-hō.

Tsit tsióng suè-suè tshuì-jiok ê hue hō͘ guá ê sim ū tuā-tuā ê kám-tshiok, m̄-sī tī kē ê suaⁿ-phiâⁿ tiong hue-tsháu só͘ khui tsiok suí ê hue só͘ hō͘ guá ê kám-tshiok tsi̍t-iūⁿ. Lán ài khuàⁿ bô khó-lîng ê sū piàn tsuè khó-lîng, koh tsiâⁿ tsuè sū-si̍t. Siōng-tè iā sī án-ni.

Só͘-í, lán ài kian-tshî, jím-nāi, tsiong lán ê khùn-kíng, jîn-luī ê o͘-tiám, huâi-gî, m̄-sìn, lóng-tsóng ê khùn-lân, huán-tuì Siōng-tè ê tsok-uî, lóng thui-sàng tī Siōng-tè ê tíng-bīn, iā sī buē-thang tsó͘-tòng Siōng-tè ê kî-biāu, tshòng-tsō kî-tsik ê lîng-li̍k. Guān lán uē tsuan-sim sìn-khò I, in-uī I sī "uē tsuè-tshut put-khó-lîng" ê Siōng-tè.


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org