《台語荒漠甘泉（全羅版）》

 | | | 轉寄

"Thiàⁿ uē jia-khàm lóng-tsóng ê kè-sit"

作者 陳清俊 翻譯 2008.06.22

listen

La̍k ge̍h jī-jī (La̍k ge̍h jī-tsa̍p-jī ji̍t)

"Jîn-ài uē jia-khàm lóng-tsóng ê kè-sit." (Tsim-giân 10:12) "Tio̍h kiû jîn-ài." (I Ko-lîm-to 14:1) [tsham-khó I Ko-lîm-to 13:7-13]

Huân-ló ê sî, tsiong khùn-lân kap Siōng-tè pun-thuaⁿ (hun-tam). Tsuè-kūn ū tha̍k tio̍h tsi̍t uī Siōng-tè ê kiáⁿ-jî ê kò-jîn king-giām, hō͘ guá ìn-siōng tsin tshim, tsin lo̍k-ì kap tāi-ke hun-hióng.
"Tī puàⁿ-mî guá huat-kiàn ka-kī uân-tsuân khùn buē khì, in-uī bô kong-tō ê sū, tsi̍t-tsūn tsi̍t-tsūn kong-kik guá, guá ê sim put-ti put-kak sit-khì thiàⁿ ê jia-khàm. Guá tsin thòng-khó͘ hiòng Siōng-tè âu-kiò, kiû I sù li̍k-liōng hō͘ guá uē tsun-thàn I ê kà-sī, 'Jîn-ài uē jia-khàm lóng-tsóng ê kè-sit.'
Sìng-lîng má-siōng khai-sí hō͘ guá ū li̍k-liōng, tsuè-āu tsān guá buē-kì-tit it-tshè. Guá sióng-siōng ku̍t tsi̍t ê hûn-bōng, tsiong thô͘ ó͘ khí-lâi, ó͘ kàu tsin tshim, guá tsiong só͘-ū ê siong-sim, thòng-khó͘ ê sū lóng tâi tī lāi-bīn, kín-kín tsiong thô͘ khàm khí-lâi, tī tíng-bīn tsìng tsháu, kap pe̍h-sik muî-kuì hue, koh ‘m̄-thang buē-kì-tit guá' ê hue, tsiū lī-khui.
Hut-jiân-kan, guá uân-tsuân an-tsīng hó-khùn, tī guá sim-lāi tshim-tshim ê siong-jiah kìng-jiân uân-tsuân hó, liân tsi̍t-tiám-á hûn-jiah iā bô khuàⁿ. Siōng-tè ê thiàⁿ jia-khàm kàu tsiah thiat-té, kin-á-ji̍t guá kìng-jiân lóng buē-kì-tit sī sím-mi̍h siong-sim, put-pîng ê sū lah.”

Suaⁿ-piⁿ ū tsi̍t tsuā lia̍h-hûn iáⁿ,
Sī bû-tsîng hong-hō͘ tsō-tsiâⁿ,
Tshim-tshim hong-bō͘ khàm-kau,
Huâiⁿ-kè tshiⁿ-tshiⁿ suí-suí ê tsáu-phiâⁿ,

Sî-kan kè, Tsí-siông tuì ē-kha huat-khí,
Tsháu-á tshiⁿ-thai muá tshim-khiⁿ,
Ū hue, ū tîn, ū sin íⁿ,
Pí í-king koh-khah hó kíng-tì.

Un-jiû ê sim siū siong,
Sìⁿ-miā ê khuài-lo̍k sit-tsong,
Thiàⁿ ê sìn-jīm ū khó͘-tiong,
Iu-siong ji̍t-tsí bān-bān tsìng-siông.

Sî-kan king-kè, thiⁿ khui,
Thiⁿ-sài tsiong io̍h-ko kô͘ tī khang-tshuì,
Sim lāi ê thiàⁿ koh-khah tshiong-muá,
Hue-hok í-tsîng ê an-lîng, siū an-uì.


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com.tw