《台語荒漠甘泉（全羅版）》

 | | | 轉寄

Sìn-sim ê hāu-kó

作者 陳清俊 翻譯 2008.08.17

listen
Pueh ge̍h tsa̍p-tshit (Pueh ge̍h tsa̍p-tshit ji̍t)

"Guá sìn Siōng-tè, tāi-tsì teh-beh tsiàu I só͘ kā guá kóng ê." (Sù-tô͘ Hīng-tuān 27:25)

Kuí-nā nî tsîng, guá kap tsi̍t ê tsûn-tiu2nn tsē i ê tsûn khì Bí-kok, i sī tsi̍t-uī tsin khiân-sîng ê ki-tok-tô͘. Tsûn kàu tī Niú-hun-lân (Newfoondland) guā-hái ê sî, i tuì guá kóng, “Gō͘ lé-pài tsîng, tsiū-sī guá tíng-huê khui-tsûn kàu tsia ê sî, huat-sing liáu tsi̍t-kiāⁿ sū, hō͘ guá ê ki-tok-tô͘ sing-ua̍h uân-tsuân ê kái-piàn. Guá tī tsûn-tíng kà-sú-tâi í-king ū jī-tsa̍p-sì tiám-tsing, tsit-sî, tsûn-tíng tsi̍t ê lú-kheh, sī Ing-kok Bu-lí-su-tó (Bristol) lâng George Mueller lâi tuì guá kóng, “Tsûn-tiu2nn, guá tio̍h kā lí kóng, pài-la̍k ē-po͘ guá it-tīng ài kàu Khui-bé-kú (Quebec).” “Tse sī bô khó-lîng ê.” Guá án-ni huê-tap. “Hó” Mueller kóng, “Nā-sī lí ê tsûn buē-uē tuà guá kàu hia, Siōng-tè tsiū uē siūⁿ pa̍t ê pān-huat.

Gō͘-tsa̍p-tshit nî lâi, guá lóng m̄-bat sit-iok. Lán kàu ē-bīn hái-tô͘-sik kî-tó.” Khua3nn tsit ê Siōng-tè ê po̍k-jîn, guá sim-lāi siūⁿ, “I sī tuì tó tsi̍t ê siáu-pīⁿ-īⁿ tshut-lâi ê, guá to m̄-bat tú-tio̍h tsit-tsióng lâng.” Tuì i kóng, “Mueller sian-siⁿ, lí kiám tsai guā-bīn bū ū juā kāu mah?” Mueller huê-tap kóng, “Guá ê ba̍k-tsiu bô khua3nn bū juā-kāu, guá tsí gióng-bōng íng-ua̍h ê Siōng-tè. Guá ê sing-ua̍h tiong, muí tsi̍t ê tsîng-hóng I lóng tsiáng-kuán.”

I jiân-āu kuī-lo̍h, tsuè guá só͘ bat thiaⁿ-kè ê siōng kán-tan ê kî-tó. I kî-tó suah, guá tsiū iā beh khai-sí kî-tó. Tsóng-sī i tsiong tshiú hē tī guá ê king-kah, kiò guá m̄-bián kî-tó. I kóng, “tē-it, lí bô siong-sìn Siōng-tè uē tap-ìng; tē-jī, guá siong-sìn I í-king tap-hok, só͘-í lí uân-tsuân bô su-iàu koh kî-tó.”

Guá khua3nn i tsi̍t-ē, i kóng, “Tsûn-tiu2nn, guá jīn-bat guá ê Tsú í-king gō͘-tsa̍p-tshit nî, bô tsi̍t kang bô ki3nn-tio̍h guá ê Ông. Khí-lâi, tsûn-tiu2nn, tsiong mn̂g phah-khui, lí uē khua3nn tio̍h bū í-king siau-sua3nn. Guá khí-lâi khua3nn, bū kó-jiân bô khì lah. Pài-la̍k ē-po͘, Guerge Mueller kó-jiân ta̍t-kàu Khui-bé-kú hù-huē.

Nā-sī lán ê thia3nn sī sûn-tsin,
I ê uē, lán beh siong-sìn,
Sì-miā beh kng-bîng tsiân-tsìn,
Tī Tsú kam-tiⁿ lāi ji̍t-ji̍t uāⁿ-sin.

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com