《台語荒漠甘泉（全羅版）》

 | | | 轉寄

"Bô khuàⁿ-kìⁿ lâi sìn"

作者 陳清俊 翻譯 2008.08.31

listen


Pueh ge̍h sam-it (Pueh ge̍h saⁿ-tsa̍p-it ji̍t)

"Hiah ê bô khuàⁿ-kìⁿ lâi sìn ê lâng, ū hok-khì." (Iok-hān 20:29)

Siōng-tè ài lán tsù-tiōng bô khuàⁿ-kìⁿ ê sū-bu̍t, tse sī tsin tiōng-iàu ê, in-uī siông-siông lán uē hō͘ só͘ khuàⁿ-kìⁿ ê lâi khi-phiàn. Nā-sī Pí-tik beh tī tsuí-bīn kiâⁿ, tsiū kiâⁿ, beh īng siû-tsuí, tsiū siû, I buē-uē nn̄g-hāng lóng beh. Tsi̍t tsiah tsiáu-á beh pe, tsiū ài phiah-khui lî-pa, tshiū-ki, kap tē-bīn, siong-sìn i ê si̍t ū la̍t lâi pe, i nā kiaⁿ siak-sí, tsiap-kūn tē-bīn pe, íng-uán pe buē hó-sè.

Siōng-tè hō͘ A-pik-la̍h-hán īng uân i pún-sin ê li̍k-liōng, hong-huat, hō͘ i tsai khò pún-sin lóng buē thang tsuè sím-mi̍h, i su-iàu jīm-tīng ka-kī ê sin-thé “tshin-tshiūⁿ í-king sí ê” (Hi-pik-lâi 11:12), jiân-āu hō͘ Siōng-tè lâi pān-lí it-tshè, i bô khò ka-kī, tsí-ū sìn-khò Siōng-tè ê sî, tsiū “koh tshim-sìn Siōng-tè uē tsiâⁿ I só͘ ìng-ún ê.” (Lô-má 4:21)

Siōng-tè só͘ kà-sī lán ê, I sing tû-khì lán tsing-ka tsū-ngó͘ ê mi̍h, ti̍t-kàu lán o̍h tio̍h bô khò tsiah-ê, tsí-ū sìn-khò I. Liáu-āu I uē tī si̍t-tsè sing-ua̍h tiong si̍t-hiān I ê uē, tsiū tshin-tshiūⁿ lán sìn-sim só͘ sìn ê hiah-nih tsin-si̍t. --- A.B. Simpson

Bô kiû tsìng-bîng I ê uē sī tsin,
Bô kiû guá tio̍h sing khuàⁿ-kìⁿ tsiah sìn,
Sìn I ê uē kù-kù sī si̍t, sī tsin,
Tī I Bô piàn ê uē, guá khiā-tsāi siong-sìn. --- E.M. Winter

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com