《宋澤萊新著《天路拾穗》TOJ/台灣字版》

 | | | 轉寄

Tsútê 30：Kūiok ê Itsikel su ántsóaⁿ teh kóng Sènglêng lāitsū?

作者 Sòng Te̍klâi 2026.09.27

Tsútê：30 Kūiok ê Itsikel su ántsóaⁿ teh kóng Sènglêng lāitsū?

Tī konggoân tsêng 598 nî, Iôtah ông Ehō͘iákin kah Êlúsalèm tsòhóe hiòng sin Babúlông tèkok ê khaikok kunông Nepkatnetsal（tsāiūi ê sîkan tāiiok sī konggoân tsêng 605 nî ~ tsêng 562 nî）tâuhâng. Nepkatnetsal kā Iûthài kok ê tsinging íki̍p SiōngTsú sèngtiān kah ôngkiong ê póbu̍t tsòhóe lia̍h khì kàu Babúlông. Siūlia̍h ê lâng paukuat ôngsik sêngoân, tsiòng siúléng, ê ióngsū, kanghu lâng, kiàntio̍k kanglâng, íki̍p tsèsi Pò͘ sai ê kiáⁿ Itsikel. Tsit phue siūlia̍h ê Iûthài lâng phōtio̍h tîmtāng ê simtsêng kiâⁿ oân kútn̂g ê lō͘thêng, tùi tsi̍tê sìkè lóng sī phiktsôaⁿ iukok tsi tē ê suaⁿkhu kò͘ thô͘, tshian óng khuah bóngbóng pêⁿtháⁿ ê lióng hô īhiong. In tòa tī Kebal hô piⁿ, tī tshingpà tsi̍tsî ê tèkok kénglāi tēngki lo̍h lâi; in sìkho͘ûi lóng sī tsi̍tkóa īkàu hongsio̍k kah tsiôngsū īkàu tsôngpài ê lâng.

Nepkatnetsal iôngín Isulael lâng khítsō tshùthe̍h, tshīióng lô͘po̍k lúpī kah kingêng bébē. Kású tsiahê Iûthài lâng ētàng khikkhó͘ nāilô, to̍h ētàng hoânêng hingōng. In teh liûbông ê tē ē siū tio̍h tsin tsē ê khógiām.

Itsikel su kìtsài, tī tsit tōaⁿ tú tio̍h gûilān ê sòegua̍t tiong, SiōngTsú pēng bô bēkìtit ūi Isulael siatli̍p sianti. Tongsî Iélímiah liûsiú tī Êlúsalèm, Taniel tòa tī Babúlông ê kiongtêng lāité, Itsikel tsiūsī tī liûbông Babúlông ê Iûthài lâng tiongkan tsò sianti. Itsikel sī tsèsi, iū koh sī sianti.

Itsikel tsitê miâ ê ìsù sī, "SiōngTsú ittēng kakiông, kiankò͘". Konggoân tsêng 593 nî ê jua̍hthiⁿ（Iôtah kokông Ehō͘iákin siūlia̍h ê tē 5 nî）, SiōngTsú ho͘tiàu Itsikel khaisí tsò siúbōngtsiá; kingkòe 22 nî tsò sianti ê kangtsok, Itsikel tī konggoân tsêng 571 nî tshunthiⁿ ê Saⁿ Gue̍h 16 ū kìsu̍t siōng bóe ê tsi̍t pái īgiân. Itsikel thuitshik kakī khólêng sī tī īgiân kiatsok liáuāu bô gōa kú to̍h ē līkhui sèkan, to̍h sī konggoân tsêng 570 nî tsóiū to̍h síbông, m̄koh sèngking tiong bô siongkuan ê kìtsài.

Itsikel só͘ lâu lo̍h lâi ê īgiân to̍h sī Kūiok ê Itsikel su. Tī Itsikel su 36：26–27 tsat（tsù 1）, SiōngTsú tùi Iûthài îbîn kóng, "Góa mā tio̍h sù hō͘ lín tsi̍tê sin ê sim, kā sin ê lêng khǹg tī lín lāibīn, koh tùi lín ê jio̍kthé tiong tûtiāu tsio̍h sim, sù hō͘ lín bah sim. Góa ittēng ē kā Góa ê lêng khǹg tī lín lāibīn, hō͘ lín sūntsiông Góa ê lu̍tlē, kínsiú tsunhêng Góa ê tiántsiong." Tsit tōaⁿ ōe tsintsiàⁿ sī puttikliáu ê tsi̍t tōaⁿ ōe, ūitio̍h tsionglâi Siniok sîtāi sìntô͘ ê "Sènglêng lāi（éng）tsū" ê hiānsiōng tsò khingkhiang ū la̍t ê īgiân!

Tsit tōaⁿ ōe ê tsúiàu tsongtsí sī teh suankò, ū tsi̍t kang SiōngTsú ē kā Iûthài îbîn （iā to̍h sī īsī Siniok sîtāi ê Kitoktô） ê lêng kah sim lóng ōaⁿ tiāu, hō͘ sìntô͘ ētàng ū sin ê lêng kah sin ê sim.

Tsit tōaⁿ ōe ū nn̄gê tiōngtiám ta̍ttit tsù’ì, tsi̍tê sī SiōngTsú pēng bô kóng beh póliû sìntô͘ kū ê tsio̍h sim tòngtsò kìliām, á sī beh kā I "tûtiāu", kā i ōaⁿtsò tsi̍tê ū hueh ū bah koh khéng ho̍ktsiông I ê sin sim. Nn̄g sī SiōngTsú mā bô kóng beh sù hō͘ sìntô͘ kîkî-koàikoài ê lêng, khiok sī kā I ê lêng（Sènglêng）sù hō͘ sìntô͘, hō͘ sìntô͘ ētàng ho̍ktsiông lu̍thuat kah kàibēng; tongjiân SiōngTsú mā bô kóng tsionglâi beh siuhôe I ê lêng, á sī beh hō͘ tsiahê bat pōepoān I ê lâng itti̍t tsaiiáⁿ hoánséng, ētàng itti̍t thóià kakī, kiànsiàu sià bīntsú, itti̍t giâmsiú lu̍thuat kah kàibēng.

Itsikel ê tsit tōaⁿ SiōngTsú ê īgiân, kîsi̍t íking ūitio̍h āu lâi Kitoktô ê "Sènglêng lāitsū" íki̍p liáuāu ê "tsio̍h sim piànsêng bah sim" kah "jīntsōe hóikái" ê sioliânsòa si̍ttsè lōetsāi thégiām hiānsiōng tsò kántan ê īkò. Tng lán Siniok Kitoktô ētàng ū Sènglêng lāi（éng）tsū liáuāu, kohtsài tńglâi khòaⁿ tsit tōaⁿ kingbûn ê sî, tsiah tsaiiáⁿ tsit tōaⁿ kingbûn íking kā Sènglêng lāi（éng）tsū ittēng ē tòa lâi "tsio̍h sim piànsêng bah sim" kah "jīntsōe hóikái" tsò tsi̍t tsióng huisiông si̍ttsāi ê īgiân, Siniok ê Kitoktô mā khò tio̍h tsit tsióng huattsik, siōng bóe tsiah ētàng tittio̍h éngoán ê ua̍hmiā. Itsikel ê tsit tōaⁿ tsákî īgiân sī ántsóaⁿ hiah tsingtsún kah ua̍hthiàu, kìm bētiâu hō͘ lâng huattshut tsànthàn!

Tsù 1：Khoktōa lâi khòaⁿ, Itsikel su 36：26–32 tseh tsôanbûn sī ánne, "Góa mā tio̍h sù hō͘ lín tsi̍tê sin sim, kā sin lêng khǹg tī lín lāibīn, koh tùi lín ê jio̍kthé tiong tûtiāu tsio̍h sim, sù hō͘ lín bah sim. Góa ittēng ē kā Góa ê lêng khǹg tī lín lāibīn, hō͘ lín sūntsiông Góa ê lu̍tlē, kínsiú tsunhêng Góa ê tiántsiong. Lín ittēng tòa tī Góa só͘ sù hō͘ lín lia̍ttsó͘ ê tē. Lín beh tsò Góa ê tsúbîn, Góa beh tsò lín ê SiōngTsú. Góa ittēng kiù lín thuatlī ittshè ê lâsâm, mā ittēng bēnglēng ngó͘kok hongting, bô beh hō͘ lín tsosiū kihng. Góa ittēng hō͘ tshiū'á kiat kóetsí tsētsē, tshânhn̂g tsingka thó͘sán, thang hō͘ lín bô koh inūi kihng lâi siū gōapang lâng ê bújio̍k. Hit sî, lín ittēng tuisióng lín ê okhêng kah lín putsiān ê tsokûi, to̍h ē inūi lín ê tsōikò kah thang hūn ê tāitsì thóià kakī. SiōngTsú kóng, “Lín ē tsaiiáⁿ, Góa tsit tsióng kiâⁿ m̄sī ūi tio̍h lín. Isulael ke ah, tio̍h ūi kakī ê hêngûi lâi kiànsiàu sià bīntsú."

──2021, 04, 05 tah tī "Kitokkàu Thongsìn"