《CTT出頭天園地》

I-sap 寓言 7

作者 TLH

7. Sai kap Tshí

Ū tsi̍t-ji̍t,Sai teh khùn,Tsi̍t-tsiah niáu-tshí m̄ tsai sí,Peh khí sai ê sin-khu tíng tsáu-lâi tsáu-khì.Sai hōo i tshá--tshínn,Tūa-tshiú giâ-khí-lâi hap--lo̍h--khì,Sa tio̍h tshí.Sai tshùi-á peh kàu khui~khui~khui,Siūnn beh kā niáu-tshí thun--lo̍h--khì.Niáu-tshí tūa siann ai-ai hinn,“Tāi-ông ah!Jiâu gúa tsi̍t-pái mài siū-khì,Tsiong-lâi gúa ē pò-tap--lí.”Sai kám-kak tsin tshù-bī,He sī bô khó-lîng ê tāi-tsì.Tsi̍t-sim khó-liân--i,Kui-khì pàng-pàng hōo i khì.

Bô jūa-kú,Sai pu̍ah-lo̍h hām-tsínn--ni̍h.La̍h-jîn kā pa̍k tī tshiū-kha-pinn,Beh kā tshia khì hiàn hōo kun-ông i.Niáu-tshí kiânn--kùe khùann-tio̍h siù-ông ai-ai-hinn,Si̍t-tsāi thòng-khóo koh ai-pi.Niáu-tshí tshùi-khí tsin lāi-lī,Soh-á hōo i kā tn̄g--khì,Bān-siù tsi-ông hōo tshí kiù-tsáu--khì.M̄-thang khùann tshí sè-tsiah koh bô-mi̍h,Sió-tsut-á mā ū tsi̍t-pōo tshú,Tsu̍at-tùi bē bōng-un koh pūe-gī!