《CTT出頭天園地》

I-sap 寓言 17

作者 TLH

17. Tsa-poo-lâng kap I ê Nn̄g-ê-bóo

Kóo-tsá sî-tāi, tsa-poo-lâng ē-sái ū kúi-nā-ê bóo. Tsi̍t-ê tiong-liân-lâng ū tsi̍t-ê lāu-bóo kap tsi̍t-ê siàu-liân-bóo; nn̄g-ê bóo lóng kap i tsiok hó, mā lóng hi-bāng tit-tio̍h ang-sài ê thiànn-sioh.

Tng tsit-ê tsa-poo-lâng thâu-moo tsiām-tsiām piàn phú-sik ê sî, siàu-liân-bóo tsin bô huann-hí, in-ūi i bô-ài i ê ang-sài khùann--khí--lâi siunn lāu. Sóo-í múi-àm i lóng lī-iōng kā ang-sài lu̍ah thâu-moo ê sî, kā pe̍h-thâu-moo bán--khí--lâi. M̄-kú khah lāu ê bóo tsin huann-hí khùann-tio̍h i ê ang-sài thâu-moo tsiām-tsiām piàn phú-sik, in-ūi i bô ài hōo lâng lia̍h-tsò sī ang-sài ê lāu-bú. Sóo-í i múi tsá-khí lóng lī-iōng tsíng-lí ang-sài thâu-moo ê sî-tsūn, tsīn-liōng kā tsē-tsē ê oo-thâu-moo tshuah--khí--lâi. Kiat-kó, tsit-ê tsa-poo-lâng bô jūa-kú tsiū bô pùann ki thâu-moo lah, tsi̍t-lia̍p thâu-khak kim-sih-sih, tshiūnn tiān-húe kiû-á!

Ū-tit, tsiū ū-sit.