《CTT出頭天園地》

I-sap 寓言 19

作者 TLH

19. Ku kap Lāi-hio̍h

Ū tsi̍t-tsiah ku tsiok siūnn beh ūann tsi̍t-ê tùa ê sóo-tsāi, tsiū iau-kiû lāi-hio̍h tshūa i khì tshūe sin-tshù. Ku tap-ìng sū-āu beh hó-hó-á pò-tap--i. Lāi-hio̍h tsiū iōng kha-jiáu kā ku lia̍h-tiâu leh, pue tsiūnn thinn sì-kè khì tshūe.

Tī lōo--ni̍h, in tn̄g-tio̍h tsi̍t-tsiah oo-a, oo-a kī lāi-hio̍h kóng, “Ku-bah tsin hó-tsia̍h neh.” “M̄-kú,” lāi-hio̍h ìn kóng, “ku-khak hiah-tīng beh án-tsúann tsia̍h?” “Giâm-tsio̍h lāi koh tīng, ē-tàng kā ku-khak lòng hōo phùa.” Lāi-hio̍h tit-tio̍h tsit-ê àm-sī, tsiū kā ku tùi pùann khong-tiong tàn--lo̍h--khì. Ku-khak lòng-tio̍h giâm-tsio̍h tsiann-si̍t phùa--khì. Lāi-hio̍h kap oo-a nn̄g-ê tsiū ún-sim-á tsia̍h tsi̍t-tǹg phong-phài ê ku-bah-tshan.

Tsu̍at-tùi m̄-thang oo-pe̍h siong-sìn pa̍t-lâng, sûi-piān ǹg-bāng lâng pang-tsān.