《CTT出頭天園地》

I-sap 寓言 29

作者 TLH

29. Pûn kóo-tshue--ê

Tsi̍t-ê kun-tūi ê kóo-tshue-tshiú tī tsiàn-tiûnn ê tsiân-sùann hōo ti̍k-jîn lia̍h--khì.

Ti̍k-jîn beh kā tshú-sí, i kā kiû-tsîng, “Gúa pīng bô tsah bú-khì kap lín tsok-tsiàn, kan-ta pûn kóo-tshue niâ, sī án-tsúann beh kā gúa thâi--sí?”

“Lí sui-jiân bô tshin-sin tsok-tsiàn,” ti̍k-jîn ìn kóng, “m̄-kú, lí kóo-tshui koh niá -tshūa lín ê kun-tūi kap gúan tsok-tsiàn.”

Tshut-tshùi bē-su tshut-tshiú.