《押韻啟應詩篇》

台語押韻啟應詩篇 13

作者 Tīnn Jî-gio̍k

13　Tāi-pi̍t ê si, kau hōo Ga̍k-kuann; tiāu, īng tē-pueh.

1a　Iâ-hô-hua ah, Lí būe-kì-tit gúa, beh jūa-kú ah? Kàu íng-úan mah?
　　耶　和　華　啊，Ｌí　未　記得我，要　偌　久啊？到　永　遠　嗎？
1b　　　Lí ng bīn m̄ khùann gúa, beh jūa-kú ah?
　　　　Ｌí　掩　面　不　看　我，要　偌　久　啊？

2a　Gúa ê sim-sîn siūnn-lâi siūnn-khì,
　　我 的 心 神 想 來 想 去，
　　gúa ê sim thong-ji̍t iu-khóo kiông beh sí , beh kàu jūa-kú ah?
　　我 的 心 通 日 憂 苦 強 要 死，要 到 偌 久 啊？
2b　　　Gúa ê tùi-ti̍k ko-sing iânn-kè gúa beh kàu jūa-kú ah?
　　　　我 的 對 敵 高 升 贏 過 我 要 到 偌 久 啊？

3a　Iâ-hô-hua gúa ê Siōng-tè ah , kiû Lí khùann-kòo gúa, thiànn gúa,
　　耶 和 華 我 的 上 帝 啊，求Lí　看 顧 我，愛 我，
3b　　　Hōo gúa ê ba̍k-tsiu kng-bîng bô ha̍p-úa ,
　　　　使 我 的 目 珠 光 明 無 合 倚，
　　　　kiann-liáu gúa khùn kàu sí , tsiū án-ni būe u̍ah.
　　　　驚 了 我 睡 到 死，就 按 呢 不 活。

4a　Kiann-liáu gúa ê tùi-ti̍k kóng khí, “ Gúa khah-iânn i ; ”
　　驚 了 我 的 對 敵 講 起：「 我 較 贏 他；」
4b　　　Kiann-liáu gúa ê kiû-siû tī gúa iô-tsuah ê sî , lâi huann-hí .
　　　　驚 了 我 的 仇 讎 在 我 搖 泏 的 時，來 歡 喜。

5a　Tsóng-sī gúa úa-khò Lí tsû-ài ê iok-sok,
　　總 是 我 倚 靠Lí　慈 愛 的 約 束，
5b　　　Gúa ê sim in-ūi Lí ê tsín-kiù lâi khùai-lo̍k.
　　　　我 的 心 因 為Ｌí的 拯 救 來 快 樂。

6a　Gúa beh tshiùnn-kua o -ló Iâ-hô-hua;
　　我 要 唱 歌 讚 美 耶 和 華；
6b　　　In-ūi I īng tūa-un khúan-thāi gúa.
　　　　因 為 祂 用 大 恩 款 待 我。