《押韻啟應詩篇》

台語押韻啟應詩篇 42

作者 Tīnn Jî-gio̍k

42　　Khó-la̍h hōo-è ê si, kau hōo Ga̍k-kuann

1a　Siōng-tè ah, gúa ê sim tshiat-tshiat him-bōo Lí ,
　　上 帝 啊， 我 的 心 切 切 欣 慕 你，

1b　　　Tshin-tshiūnn lo̍k tshiat-tshiat him-bōo khe-tsúi-khinn.
　　　　親 像 鹿 切 切 欣 慕 溪 水 坑。

2a　Gúa ê sim tshùi-ta him-bōo Siōng-tè ,
　　我 的 心 嘴 乾 欣 慕 上 帝，

2b　　　Tsiū-sī u̍ah ê Siōng-tè ;
　　　　就 是 活 的 上 帝；

2c　Gúa siánn-sî ūe kàu Siōng-tè bīn-tsîng,
　　我 何 時 會 到 上 帝 面 前 ，

2d　　　Lâi kìnn-ti I lâi kiong-kìng?
　　　　來 見 著 祂 來 恭 敬？

3a　Gúa mî-ji̍t īng gúa ê ba̍k-sái tsún pn̄g tsia̍h teh tōo-u̍ah,
　　我 暝 日 用 我 的 目 屎 準 飯 食 在 渡 活，

3b　　　In tùi gúa kóng bô suah, lí ê Siōng-tè tī tó -ūi teh tùa?
　　　　伊 對 我 講 無 息， 你 的 上 帝 在 何 處 在 住？

4a　Gúa tsá-tsîng kap tsìng-lâng tsùe-tīn--khì,
　　我 早 前 與 眾 人 做 陣 去，

4b　　　Tshūa in kàu Siōng-tè ê tshù;
　　　　導 伊 到 上 帝 的 厝；

4c　Īng huann-hí o -ló ê siann-khì,
　　用 歡 喜 讚 美 的 聲 氣，

4d　　　Tāi-ke siú tsè-sū .
　　　　大 家 守 祭 祀。

4e　Gúa tui-liām tsiah-ê sū-tiong,
　　我 追 念 這 些 事 中，

4f　　　Gúa ê sim ki̍k-kî pi-siong.
　　　　我 的 心 極 其 悲 傷。

5a　Gúa ê sim ah , lí siánn-sū ut-tsut kòo-tsip?
　　我 的 心 啊， 你 啥 事 鬱 卒 固 執？

5b　　　Siánn-sū tī gúa ê lāi-bīn tio̍h-kip?
　　　　啥 事 在 我 的 內 面 著 急？

5c　Lí tio̍h ǹg-bāng Siōng-tè, in -ūi I ê bīn ǹg gúa,
　　你 著 盼 望 上 帝，因 為 祂 的 面 向 我，

5d　　　Sóo -í gúa iáu-kú beh o -ló I bô suah.
　　　　所 以 我 尚 且 要 讚美 祂 無 息。

6a　Gúa ê Siōng-tè ah, gúa ê sim tī gúa ê lāi-bīn ut-tsut;
　　我 的 上 帝 啊，我 的 心 在 我 的 內 面 鬱 卒；

6b　　　Sóo -í gúa tùi Iok-tàn ê tūe kap Hik-bûn suann-khut,
　　　　所 以 我 對 約 旦 的 地 與 黑 門 山 窟，

　　　　ia̍h tùi Bí-sat ê suann kì-liām lí tsû-ài si-tshut.
　　　　亦 對 米 薩 的 山 紀 念 你 慈 愛 施 出。