《押韻啟應詩篇》

台語押韻啟應詩篇 47

作者 Tīnn Jî-gio̍k

47　　Khó-la̍h hōo-è ê si; kau hōo Ga̍k-kuann.

1a　Lín tsìng peh-sìnn ah , lín lóng tio̍h tah-tshiú tsùe sè ,
　　恁 眾 百 姓 啊， 恁 攏 著 搭 手 作 勢，

1b　　　Tio̍h īng tik-sìng ê siann tūa-siann o-ló Siōng-tè .
　　　　著 用 得 勝 的 聲 大 聲 讚美 上 帝。

2a　In -ūi Iâ-hô-hua tsì-kûan--ê , thang kiann--ê ,
　　因 為 耶 和 華 至 高 者，通 驚 的，

2b　　　I sī tūa kun-ông kúan-lí tsûan-tūe--ê .
　　　　祂是 大 君 王 管 理 全 地 的。

3a　I beh hōo bān peh-sìnn hâng-ho̍k tī gúan ê ē- bīn;
　　祂要 使 萬 百 姓 降 服 在 阮 的 下 面；

3b　　　Ia̍h beh hōo lia̍t-pang tī gúan ê kha-ē lâi tsiū-kīn.
　　　　亦 要 使 列 邦 在 阮 的 腳 下 來 就 近。

4a　I kā gúan kíng gúan ê sán-gia̍p iânn sì -hng,
　　祂給 阮 揀 阮 的 產 業 贏 四 方，

4b　　　Tsiū-sī I sóo thiànn ê Ngá-kok ê îng-kng.
　　　　就 是 祂 所 疼 的 雅 各 的 榮 光。

5a　Siōng-tè tsiūnn--khì, ū huah ê siann tè- -I ,
　　上 帝 上 去， 有 喊 的 聲 跟 祂，

5b　　　Iâ-hô-hua tsiūnn--khì, ū hō-thâu ê siann tè- -I .
　　　　耶 和 華 上 去，有 號 頭 的 聲 跟 祂。

6a　Lín tio̍h tshiùnn-kua, o -ló Siōng-tè , tio̍h tshiùnn-kua o -ló;
　　恁 著 唱 歌， 讚美 上 帝，著 唱 歌 讚 美；

6b　　　Tshiùnn-kua o-ló lán ê Siōng-tè , tio̍h tshiùnn-kua o -ló;
　　　　唱 歌 讚美 咱 的 上 帝， 著 唱 歌 讚 美；

7a　In -ūi Siōng-tè sī tsûan-tūe ê Ông,
　　因 為 上 帝 是 全 地 的 王，

7b　　　Tio̍h īng tì-hūi tshiùnn-kua o -ló I tsun-tsông.
　　　　著 用 智 慧 唱 歌 讚 美 祂 尊 崇。

8a　Siōng-tè tsùe Ông tī -lí bān-kok;
　　上 帝 做 王 治 理 萬 國；

8b　　　Siōng-tè tsē tī I sìng ê pó-tsō teh kàm-tok.
　　　　上 帝 坐 在 祂 聖 的 寶 座 在 監 督。

9a　Lia̍t-pang ê kùi-tso̍k tsū-tsi̍p sann-kìnn,
　　列 邦 的 貴 族 聚 集 相 見，

9b　　　Beh tsùe A-pik-la̍h-hán ê Siōng-tè ê peh-sìnn;
　　　　要 做 亞 伯 拉 罕 的 上 帝 的 百 姓；

9c　In -ūi sè-kài ê tîn-pâi sī sio̍k tī Siōng-tè ;
　　因 為 世 界 的 盾 牌 是 屬 於 上 帝；

9d　　　I sī ki̍k-kûan ê iânn-tsē.
　　　　祂 是 極 高 的 營 寨。