《押韻啟應詩篇》

台語押韻啟應詩篇 65

作者 Tīnn Jî-gio̍k

65　　Tāi-pi̍t ê si-kua , kau hōo Ga̍k-kuann.

1a　Siōng-tè ah , tī Sik-an ū lâng o -ló teh thìng-hāu Lí ;
　　上 帝 啊，在 錫 安 有 人 讚美 在 等 候 你；

1b　　　Ia̍h beh tùi Lí siā sóo hē ê gūan lâi kìng-pài Lí .
　　　　亦 要 對 你 謝 所 下 的 願 來 敬 拜 你。

2a　Thiann lâng kî -tó ê Tsú, tshiánn Lí ànn -hī,
　　聽 人 祈 禱 的 主， 請 你 俯 耳，

2b　　　Kìnn ū hiat-khì--ê lóng beh tsiū-kūn Lí .
　　　　凡 有 血 氣 的 攏 要 就 近 你。

3a　Tsūe-ok khah iânn gúa hūan-tsūe.
　　罪 惡 較 贏 我 犯 罪。

3b　　　Lūn-kàu gúan ê tsūe, Lí lóng beh sio̍k-hûe.
　　　　論 到 阮 的 罪， 你 攏 要 贖 回。

4a　Lí sóo kíng-súan--ê , hōo i tshin-kūn Lí,
　　你 所 揀 選 的，使 他 親 近 你，

4b　　　Tiàm tī Lí ê inn -lāi--ê , tsit-hō-lâng ū hok-khì;
　　　　站 在 你 的 院 內 的，此 號 人 有 福 氣；

4c　Gúan beh in-ūi Lí ê pó-pì, Lí ê sìng-tiān ê hok-khì,
　　阮 要 因 為 你 的 保 庇，你的 聖 殿 的 福 氣，

4d　　　Lâi sim-múa ì-tsiok huann-hí.
　　　　來 心 滿 意 足 歡 喜。

5a　Siōng-tè ah , Lí ū kiù gúan,
　　上 帝 啊，你 有 救 阮，

5b　　　Lí beh īng ui-giâm, píng kong-gī lâi ìn gúan;
　　　　你 要 用 威 嚴， 秉 公 義 來 應 阮；

5c　Lí sī tūe-ki̍k kap hái-bīn hn̄g-hn̄g ê lâng,
　　你 是 地 極 及 海 面 遠 遠 的 人，

5d　　　Lóng-tsóng sóo úa-khò ê ǹg-bāng.
　　　　攏 總 所 倚 靠 的 盼 望。

6a　I í -king īng tūa kûan-lîng hâ -io;
　　祂 已 經 用 大 權 能 縖 腰；

6b　　　Tsiū īng I ê khùi-la̍t an-tiānn tsiah-ê suann hōo būe iô .
　　　　就 用 祂 的 氣 力 安 定 諸 個 山 使 不 搖。

7a　Tsiah-ê hái hua-hua-háu,
　　諸 個 海 嘩 嘩 吼，

7b　　　Kap kî-tiong hái-íng hua-hua-háu,
　　　　與 其 中 海 湧 嘩 嘩 吼，

7c　Í -ki̍p bān peh-sìnn ê suan-hua,
　　以及 萬 百 姓 的 喧 嘩，

7d　　 I hōo in pîng-tsīng m̄ -kánn huah.
　　　　祂使 伊 平 靜 不 敢 喊。

8a　Khiā-khí tūe-ki̍k ê lâng it -khài,
　　居 起 地 極 的 人 一 概，

8b　　　In -ūi Lí ê sîn-jiah lâi kiann-hiânn;
　　　　因 為 你 的 神 蹟 來 驚 惶；

8c　Ji̍t--tshut ji̍t--lo̍h ê sóo-tsāi,
　　日 出 日 落 的 所 在，

8d　　　Lí hōo in lóng huann-hí tshut-siann.
　　　　你 使 伊 攏 歡 喜 出 聲。

9a　Lí kùan-kòo thóo-tūe,
　　你 眷 顧 土 地，

9b　　　Lo̍h-hōo kùan-ak , hōo i tsiânn-tsùe pûi-tūe,
　　　　落 雨 灌 沃，使 它 成 做 肥 地，

9c　Siōng-tè ê hô , ū lióng-hūann,
　　上 帝 的 河，有 兩 岸，

9d　　　I ê tsúi múa-múa;
　　　　它 的 水 滿 滿；

9e　Lí án-ni pī-pān thóo-tūe,
　　你 按 呢 備 辦 土 地，

9f　　　Tsiū-sī thùe lâng pī-pān gōo-kak tshài-sue.
　　　　就 是 替 人 備 辦 五 穀 菜 蔬。

10a　Lí kùan-ak tshân-hn̂g,
　　　你 灌 沃 田 園，

10b　　　Múa i ê kau, siu-pînn i ê lîng tn̂g-tn̂g,
　　　　　滿 它 的 溝， 修 平 它 的 稜 長 長，

10c　Lo̍h hó ê hōo-tsúi kàu thinn--kng,
　　　落 好 的 雨 水 到 天 光，

10d　　　Hōo thóo-tūe nńg-nńg;
　　　　　使 土 地 軟 軟；

10e　Kî-tiong sóo huat-sinn--ê ,
　　　其 中 所 發 生 的，

10f　　　　Tit -tio̍h Lí sù-hok tsùe hiàn-tsè.
　　　　　得 著 你 賜 福 做 獻 祭。

11a　Lí īng Lí ê un-tián tsùe nî-tang ê bián-liû,
　　　你 用 你 的 恩 典 做 年 冬 的 冕 旒，

11b　　　Lí ê lōo-kìng lóng ū teh tih ê iû .
　　　　　你 的 路 徑 攏 有 在 滴 的 油。

12a　Tih tī khòng-iá ê tsháu-poo;
　　　滴 在 曠 野 的 草 埔；

12b　　　Suann-thâu īng huann-hí tsùe tùa lâi hâ io -pōo .
　　　　　山 頭 用 歡 喜 做 帶 來 縖 腰 部。

13a　Tsháu-poo īng iûnn-kûn tsùe sann lâi tshīng;
　　　 草 埔 用 羊 群 做 衫 來 穿 ；
　　 Suann-kok īng gōo-kak tsùe mua lâi khàm múa-kíng.
　　　 山 谷 用 五 穀 做 幔 來 蓋 滿 境。

13b　　　In lóng huann-hí tshut-siann, lâi gîm-si o -ló tūa kûan-lîng.
　　　　　伊 攏 歡 喜 出 聲，來 吟 詩 讚 美 大 權 能。