《押韻啟應詩篇》

台語押韻啟應詩篇 66

作者 Tīnn Jî-gio̍k

66　　Tsi̍t-phinn si-kua; kau hōo Ga̍k-kuann.

1a　Tsûan-tūe lóng tio̍h tùi Siōng-tè ,
　　全 地 攏 著 對 上 帝，

1b　　　Lâi tshut huann-hí ê siann tâng-tsê.
　　　　來 出 歡 喜 的 聲 同 齊。

2a　Tshiùnn-kua o -ló I ê miâ ê îng-kng;
　　唱 歌 讚 美 祂 的 名 的 榮 光；

2b　　　Īng o -ló ê ūe lâi hián-bîng I ê îng-kng.
　　　　用 讚 美 的 話 來 顯 明 祂 的 榮 光。

3a　Tio̍h tùi Siōng-tè kóng-bîng,
　　著 對 上 帝 講 明，

3b　　　Lí ê sóo-tsùe kàu hiah thang kiann!
　　　　你 的 所 做 到 許 通 驚！

3c　In -ūi Lí ê tūa kûan-lîng,
　　因 為 你 的 大 權 能，

3d　　　Lí ê tùi-ti̍k beh hâng-ho̍k Lí bô siann.
　　　　你 的 對 敵 欲 降 服 你 無 聲。

4a　Tsûan-tūe beh kìng-pài Lí , gîm-si o -ló Lí ;
　　全 地 要 敬 拜 你， 吟 詩 讚 美 你；

4b　　　Beh gîm-si o -ló Lí ê miâ ji̍t kap mî .
　　　　要 吟 詩 讚 美 你 的 名 日 及 暝。

5a　Lín tio̍h lâi ,
　　恁 著 來，

5b　　　Lâi khùann Siōng-tè sóo-kiânn ê sū tī tāi -tāi,
　　　　來 看 上 帝 所 行 的 事 在 代 代，

5c　I tùi sè-kan-lâng sóo-tsùe--ê ,
　　祂 對 世 間 人 所 做 的，

5d　　　Put-tsí thang kiann teh kíng-sè .
　　　　不 止 通 驚 在 警 世。

6a　I tsiong hái piàn-tsùe ta -tūe;
　　祂 將 海 變 做 乾 地；

6b　　　I pōo-kiânn kè hô-khue; tī hia gúan huann-hí , in-ūi I ê sóo-tsùe.
　　　　祂步 行 過 河 溪； 在 彼 阮 歡 喜，因為 祂的 所 做。

7a　I īng I ê kûan tī -lí ti̍t kàu íng-úan;
　　祂 用 祂 的 權 治 理 直 到 永 遠；
　　I ê ba̍k-tsiu kàm-tshat lia̍t-pang bô tî -ūan,
　　祂 的 目 珠 鑒 察 列 邦 無 遲 緩，

7b　　　Pūe-gi̍k ê lâng m̄-thang tsū-ko tsū-tsuan.
　　　　悖 逆 的 人 不 通 自 高 自 專 。

8a　Bān peh-sìnn ah , lín tio̍h o -ló gúan ê Siōng-tè ;
　　萬 百 姓 啊， 恁 著 讚 美 阮 的 上 帝；

8b　　　Hōo lâng thiann-kìnn o -ló I ê siann tī thinn-ē .
　　　　使 人 聽 見 讚 美 祂 的 聲 在 天 下。

9a　I hōo gúan ê sìnn-miā u̍ah-teh ū ǹg-bāng,
　　祂 使 阮 的 性 命 活 著 有 盼 望 ，

9b　　　Ia̍h bô hōo gúan ê kha iô-tāng.　　
　　亦 無 使 阮 的 腳 搖 動。

10a　Siōng-tè ah , Lí bat tshì-giām gúan;
　　　上 帝 啊，你 曾 試 驗 阮；

10b　　　Tshin-tshiūnn thùan-liān gûn tsi̍t-iūnn iā thùan-liān gúan.
　　　　　親 像 鍛 練 銀 一 樣 也 鍛 練 阮。

11a　Lí hōo gúan ji̍p lô-bāng lâi kín-tiunn,
　　　你 使 阮 入 羅 網 來 緊 張，

11b　　　Īng tāng-tànn hē tī gúan ê sin-tsiūnn.
　　　　　用 重 擔 放 於 阮 的 身 上。

12a　Lí hōo lâng tsē tshia-bé ,
　　　你 使 人 坐 車 馬，

12b　　　Pûann-kè gúan ê thâu-khak;
　　　　　過 阮 的 頭 殼；

12c　Gúan king-kè tsúi-hé .
　　　 阮 經 過 水 火。

12d　　　Tsóng-sī Lí hōo gúan kàu pù-ū ê thóo-tē .
　　　　　總 是 你 使 阮 到 富 有的 土 地。

13a　Gúa beh īng sio-tsè tsìn-ji̍p Lí ê tshù;
　　　我 要 用 燒 祭 進 入 你 的 厝；

13b　　　Gúa beh tùi Lí siā gúa ê gūan kú-kú.
　　　　　我 要 對 你 謝 我 的 願 久 久。

14a　Tsiū-sī tī gúa hūan-lān ê sî ,
　　　就 是 在 我 患 難 的 時，

14b　　　Gúa ê tshùi-tûn sóo kóng khí, gúa ê tshùi sóo hē-gūan ê tāi-tsì .
　　　　　我 的 嘴 唇 所 講 起，我 的 嘴 所 下 願 的 事 情。

15a　Gúa beh īng pûi ê tsing-sinn ê sio-tsè lâi hiàn hōo Lí ,
　　　我 要 用 肥 的 精 牲 的 燒 祭 來 獻 給 你，

15b　　　Kap kang-iûnn ê phang-bī hiàn hōo Lí ;
　　　　　及 公 羊 的 芳 味 獻 給 你；
　　　　Koh īng kang ê gû , kang ê suann-iûnn, lâi hiàn hōo Lí .
　　　　　復 用 公 的 牛，公 的 山 羊，來 獻 給 你。

16a　Hūan-nā kìng-ùi Siōng-tè ê lâng, lín lóng tio̍h lâi thiann;
　　　凡 若 敬 畏 上 帝 的 人， 恁 攏 著 來 聽；

16b　　　Gúa beh kóng-khí I ūi gúa sóo kiânn ê sū tsi̍t-kiānn tsi̍t-kiānn.
　　　　　我 欲 講 起 祂 為 我 所 行 的 事 一 件 一 件。

17a　Gúa bat īng gúa ê tshùi kiû-kiò I ;
　　　我 曾 用 我 的 嘴 求 叫 祂；

17b　　　Īng gúa ê tsi̍h o -ló I tsùe kûan bû -jī .
　　　　　用 我 的 舌 讚 美 祂 做 高 無 二。

18a　Gúa nā sim-lāi tsù-tiōng tsūe-ok,
　　　 我 若 心 內 注 重 罪 惡，

18b　　　Tsú tik-khak bô beh thiann gúa ê kiû-thok.
　　　　　主 的 確 無 要 聽 我 的 求 託。

19a　Tsóng-sī Siōng-tè si̍t-tsāi ū teh thiann,
　　　總 是 上 帝 實 在 有 在 聽，

19b　　　Í- king ànn-lo̍h thiann gúa kî -tó ê siann.
　　　　　已 經 俯 落 聽 我 祈 禱 的 聲。

20a　Siōng-tè sī ing-kai siū o-ló ,
　　　上 帝 是 應 該 受 讚美，

20b　　　I bē-bat the-sî gúa ê kî -tó ,
　　　　　祂 未 曾 推 辭 我 的 祈 禱，
　　　　ia̍h bē-bat hōo I ê tsû-ài kā gúa phah bô .
　　　　　亦 未 曾 讓 祂 的 慈 愛 給 我 打 無。