《押韻啟應詩篇》

台語押韻啟應詩篇 67

作者 Tīnn Jî-gio̍k

67　　Tsi̍t-phinn si-kua ; kau hōo Ga̍k-kuann ; īng si-hiân ê ga̍k -khì .

1a　Gūan Siōng-tè lîn-bín gúan sù-hok gúan;
　　願 上 帝 憐 憫 阮 賜 福 阮；

1b　　　Hōo I ê bīn tsiò-kng gúan;
　　　　使 祂 的 面 照 光 阮；

2a　Thang hōo sè -kài tsai Lí ê tō -lōo ,
　　通 使 世 界 知 你 的 道 路，

2b　　　Bān-kok-tiong tsai Lí ê kiù-un huat-tōo .
　　　　萬 國 中 知 你 的 救 恩 法 度。

3a　Siōng-tè ah , gūan lia̍t-pang o -ló Lí;
　　上 帝 啊， 願 列 邦 讚 美 你；

3b　　　Gūan lia̍t-pang lóng o -ló Lí.
　　　　願 列 邦 攏 讚 美 你。

4a　Gūan bān-kok khùai-lo̍k, tshut huann-hí ê siann sann hí-lo̍k.
　　願 萬 國 快 樂，出 歡 喜 的 聲 相 喜 樂。

4b　　　In-ūi Lí beh tsiàu kong-tō sím-phùann lia̍t-kok, tsiàu iok-sok,
　　　　因 為 你 要 照 公 道 審 判 列 國， 照 約 束，
　　　　tī -lí tūe-tsiūnn ê bān-kok.
　　　　治 理 地 上 的 萬 國。

5a　Siōng-tè ah , gūan lia̍t-pang o -ló Lí ;
　　上 帝 啊， 願 列 邦 讚 美 你；

5b　　　Gūan lia̍t-pang lóng o -ló Lí .
　　　　願 列 邦 攏 讚 美 你。

6a　Tūe í -king tshut thóo-sán hōo gúan,
　　地 已 經 出 土 產 給 阮，

6b　　　Siōng-tè , tsiū-sī gúan ê Siōng-tè , beh sù-hok gúan.
　　　　上 帝，就 是 阮 的 上 帝，要 賜 福 阮。

7a　Siōng-tè beh sù-hok gúan tsiàu-sî ;
　　上 帝 要 賜 福 阮 照 時；

7b　　　Tūe ê sì -ki̍k lóng beh kìng-ùi I .
　　　　地 的 四 極 攏 要 敬 畏 祂。