《押韻啟應詩篇》

台語押韻啟應詩篇 68a

作者 Tīnn Jî-gio̍k

68　　 Tāi-pi̍t ê si-kua; kau hōo Ga̍k-kuann.

1a　Gūan Siōng-tè khí--lâi, hōo I ê tùi-ti̍k sì-sùann kín-kín pháu.
　　願 上 帝 起 來，使 祂的對 敵 四 散 緊 緊 跑，

1b　　　Hōo ùan-hūn I ê lâng ai , tùi I ê bīn-tsîng tô-tsáu.
　　　　使 怨 恨 祂 的 人 哀，對 祂 的 面 前 逃 走。

2a　Lí kā in kúann-sùann,
　　你 將 伊 趕 散，

2b　　　Tshin-tshiūnn ian siū tshe-sùann;
　　　　親 像 煙 受 吹 散；

2c　Pháinn-lâng kìnn-tio̍h Siōng-tè ê bīn tsiū siau-bia̍t bô tàng khùann;
　　歹 人 見 著 上 帝 的 面 就 消 滅 無 通 看；

2d　　　Tshin-tshiūnn la̍h kìnn-tio̍h hé tsiū iûnn-sùann.
　　　　親 像 臘 見 著 火 就 溶 散。

3a　Tsóng-sī gī-lâng beh huann-hí ,
　　總 是 義 人 必 歡 喜，
　　in tī Siōng-tè ê bīn-tsîng beh khùai-lo̍k tik -ì .
　　伊 在 上 帝 的 面 前 必 快 樂 得 意。

3b　　　In ia̍h beh huann-huann hí -hí .
　　　　伊 亦 必 歡 歡 喜 喜。

4a　Lín tio̍h tùi Siōng-tè gîm-si ,
　　恁 著 對 上 帝 吟 詩，

4b　　　Tshiùnn-kua o -ló I ê miâ-jī ;
　　　　唱 歌 讚 美 祂 的 名 字；

4c　Ūi-tio̍h hit-ê tsē-tshia king-kè khòng-iá--ê ,
　　為 著 彼 個 坐 車 經 過 曠 野 者，

4d　　　Siu-tsō tūa lōo -ke ;
　　　　修 造 大 路 街；

4e　 I ê miâ sī Iâ-hô-hua.
　　祂 的 名 是 耶 和 華。

4f　　　Tio̍h tī I ê bīn-tsîng khùai-lo̍k bô suah.
　　　　著 在 祂 的 面 前 快 樂 無 息。

5a　Siōng-tè tī I sìng ê sóo-tsāi, tsùe koo-jî ê pē ;
　　上 帝 在 祂 聖 的 所 在， 做 孤 兒的 父；

5b　　　Tsùe kúann-hū ê sin-uan--ê .
　　　　做 寡 婦 的 伸 冤 者。

6a　Siōng-tè hōo koo-tuann ê lâng ū ke ;
　　上 帝 給 孤 單 的 人 有 家；
　　Hōo siū kuainn-kann ê lâng tshut-lâi hióng-hok tsē-tsē,
　　使 受 關 監 的 人 出 來 享 福 多 多，

6b　　　To̍k-to̍k pūe-gi̍k ê lâng tiàm-tī ta -sò ê thóo-tē .
　　　　獨 獨 背 逆 的 人 站 在 乾 燥 的 土 地。

7a　Siōng-tè ah , tsá Lí kiânn tī peh-sìnn ê thâu-tsîng,
　　上 帝 啊，早 你 行 在 百 姓 的 頭 前 ，

7b　　　King-kè khòng -iá bô thîng.
　　　　經 過 曠 野 無 停。

8a　Hit-sî , tūe kìnn-tio̍h Siōng-tè ê bīn tsiū tín-tāng,
　　彼 時，地 見 著 上 帝 的 面 就 振 動，

8b　　　Thinn ia̍h lo̍h hōo khui thinn-thang.
　　　　天 亦 落 雨 開 天 窗，

8c　Hit-ê Se-nái iā tín-tāng khut-kē ,
　　彼 個 西 奈 也 振 動 屈 下，

8d　　　Sī kìnn-tio̍h Siōng-tè, sī tsûan-lîng ê Í- sik-lia̍t ê Siōng-tè.
　　　　是 見 著 上 帝，是 全 能 的以 色 列 的 上 帝。

9a　Siōng-tè--ah , Lí lo̍h tūa-hōo ,
　　上 帝 啊， 你 落 大 雨，

9b　　　Lí ê sán-gia̍p Í- sik-lia̍t ià-siān būe kiânn lōo , Lí hōo i kian-kòo .
　　　　你 的 產 業 以 色 列 厭 倦 不 行 路，你 使 他 堅 固。

10a　Lí ê hūe-tsiòng tiàm tī hit tiong-kan ki̍k tsun-kùi.
　　　你 的 會 眾 站 在 彼 中 間 極 尊 貴。

10b　　　Siōng-tè ah , Lí ūi-tio̍h sòng-hiong-lâng pī-pān un-hūi.
　　　　　上 帝 啊，你 為 著 貧 窮 人 備 辦 恩 惠。

11a　Tsú tshut bīng-līng hōo tsú-bîn,
　　　主 出 命 令 給 子 民，

11b　　　Thûan hó siau-sit ê hū-lú tsiânn tūa-tīn.
　　　　　傳 好 消 息 的 婦 女 成 大 陣。

12a　Kúan-ping ê ông tô-tsáu lah, tô-tsáu lah,
　　　管 兵 的 王 逃 走 啦， 逃 走 啦，

12b　　　Tiàm-tī ke-lāi ê hū-lú pun-tio̍h tsiàn-lī-phín lah .
　　　　　站 在 家 內 的 婦 女 分 著 戰 利 品 啦。

13a　Lín tó tī iûnn-tiâu-lāi ê sî ,
　　　恁 倒 在 羊 寮 內 的 時，
　　tshin-tshiūnn kap ê si̍t siunn pe̍h--ê gûn-si ,
　　　親 像 鴿 的 翅 鑲 白 的 銀 絲，

13b　　　I ê mn̂g siunn n̂g-kim ê sik-tì .
　　　　　他 的 毛 鑲 黃 金 的 色 緻。

14a　Tsûan-lîng--ê tī hit lāi-bīn kúann-sùann lia̍t-ông ê sî ,
　　　全 能 者 在 彼 內 面 趕 散 列 王 的 時，

14b　　　Sè-bīn tshin-tshiūnn tī Sat-bûn-suann lo̍h-seh bô thîng-tsí.
　　　　　勢 面 親 像 在 撒 門 山 落 雪 無 停 止。

15a　Pa-san-suann sī Siōng-tè ê suann;
　　　巴 珊 山 是 上 帝 的 山；

15b　　　Pa-san-suann sī tsūe-tsūe suann-tsiam ê suann.
　　　　　巴 珊 山 是 多 多 山 尖 的 山。

16a　Lín tsiah-ê suann-tsiam ê suann,
　　　恁 諸 些 山 尖 的 山，
　　lín siánn-sū gîn Siōng-tè sóo ài khiā-khí ê suann?
　　　恁 甚 事 眥 上 帝 所 愛 居 起 的 山？

16b　　　Iâ-hô-hua beh tiàm tī hia kàu íng-úan bô ūann.
　　　　　耶 和 華 要 站 在 彼 到 永 遠 無 換。

17a　Siōng-tè ê tshia tshing-tshing bān-bān tâi ;
　　　上 帝 的 車 千 千 萬 萬 台；

17b　　　Tsú tī hit lāi, tshin-tshiūnn tī Se-nái, tī sìng ê sóo-tsāi.
　　　　　主 在 彼 內， 親 像 在 西 奈，在 聖 的 所 在。

18a　Lí í- king tsiūnn kàu kûan ê sóo-tsāi,
　　　你 已 經 上 到 高 的 所 在，

18b　　　Lia̍h lâng tsùe in ê kàm-kài;
　　　　　掠 人 做 伊 的 鑑 戒；

18c　Lí tī lâng ê tiong-kan siū in sóo-hiàn--ê ,
　　　你 在 人 的 中 間 受 伊 所 獻 的，

18d　　　Liân pūe-gi̍k ê lâng ia̍h hiàn sóo ū--ê ,
　　　　　連 悖 逆 的 人 亦 獻 所 有 的，

18e　Hōo Iâ-hô-hua Siōng-tè ê pang-tsān,
　　　使 耶 和 華 上 帝 的 幫 助，

18f　　　Thang tiàm-tī in tiong-kan.
　　　　　通 站 在 伊 中 間。