《押韻啟應詩篇》

 | | | 轉寄

台語押韻啟應詩篇 89a

作者 Tīⁿ Jî-gio̍k 2007.10.21

89　　Í-su-la̍h-lâng Í-thàm kà-sī ê si .

1a　Guá beh tshiùⁿ-kua o -ló Iâ-hô-hua ê tsû-ài kàu tī íng-uán.
　　我 要 唱 歌 讚 美 耶 和 華 的 慈 愛 到 於 永 遠。

1b　　　Beh īng guá ê tshuì thuân Lí ê sìn-si̍t kàu tāi-tāi .
　　　　要 用 我 的 口 傳 你 的 信 實 到 代 代。

2a　In-uī guá bat kóng, tsû-ài beh siū kiàn-li̍p kàu íng-uán;
　　因 為 我 曾 講 ， 慈 愛 要 受 建 立 到 永 遠；

2b　　　Lí beh tsiong Lí ê sìn-si̍t kian-kò͘ tī thian-kài.
　　　　你 要 將 你 的 信 實 堅 固 於 天 界。

3a　Guá kap Guá só͘ kíng ê lâng li̍p-iok.
　　我 與 我 所 揀 的 人 立 約。

3b　　　Tuì Guá ê lô͘-po̍k Tāi-pi̍t sè -iok.
　　　　對 我 的 奴 僕 大 闢 誓 約。

4a　Guá beh hō͘ lí ê hō͘-è kian-kò͘ kàu íng-uán,
　　我 要 使 你 的 後裔 堅 固 到 永 遠，

4b　　　Koh hō͘ lí ê pó-tsō kiàn-li̍p kàu tāi-tāi.
　　　　復 使 你 的 寶 座 建 立 到 代 代。

5a　Iâ-hô-hua ah, tsiah-ê thiⁿ beh o-ló Lí ê kî-sū kàu íng-uán;
　　耶 和 華 啊，諸 些 天 要 讚美 你 的 奇 事 到 永 遠；

5b　　　Tī sìng--ê ê huē-tiong, beh o-ló Lí ê sìn-si̍t kàu tāi-tāi .
　　　　在 聖 者 的 會 中， 要 讚美 你 的 信 實 到 代 代。

6a　Tī khong-tiong, tsī-tsuī uē pí -tit Iâ-hô-hua ?
　　在 空 中， 是 誰 會 比 得 耶 和 華 ？

6b　　　Ū kuân-lîng--ê ê tsìng-kiáⁿ-tiong,
　　　　有 權 能 者 的 眾 子 中，
　　　　siáⁿ-lâng uē tshin-tshiūⁿ Iâ-hô-hua ?
　　　　誰 人 會 親 像 耶 和 華？

7a　I tī sìng--ê ê gī-huē-tiong teh tsē,
　　祂 在 聖 者 的議 會 中 在 坐，

7b　　　Sī tuā-tuā ū ui-giâm ê Siōng-tè ;
　　　　是 大 大 有 威 嚴 的 上 帝；

7c　Pí it -tshè tī I sì -uî--ê ,
　　比 一 切 在 祂 四 圍 的，

7d　　　Koh khah thang kiaⁿ-uì ê Siōng-tè .
　　　　又 較 通 驚 畏 的 上 帝。

8a　Bān-kun ê Siōng-tè Iâ-hô-hua ah ,
　　萬 軍 的 上 帝 耶 和 華 啊，

8b　　　Tó-uī tsi̍t-ê tuā kuân-lîng--ê ,
　　　　哪 位 一 個 大 權 能 者，

8c　Tshin-tshiūⁿ Lí Iâ-hô-hua lah ?
　　親 像 你 耶 和 華 啦？

8d　　　Lí ê sìn-si̍t tī Lí ê sì -uî khiā--teh.
　　　　你 的 信 實 在 你 的 四 圍 立 在。

9a　Hái-tsuí tiòng--khí--lâi , Lí kuán-hat--i ;
　　海 水 漲 起 來，你 管 轄 它；

9b　　　Hái-íng giâ--khí--lâi , Lí hō͘ i pîⁿ . 　　
　　海 湧 夯 起 來， 你 使 它 平。

10a　Lí phah tshuì La̍h-hap-pik, tshin-tshiūⁿ í-king thâi-sí ê lâng;
　　　你 拍 碎 拉 哈 伯， 親 像 已 經 殺 死 的 人；

10b　　　Lí īng ū khuì-la̍t ê tshiú phah-suàⁿ Lí ê tuì-ti̍k,
　　　　　你 用 有 氣 力 的 手 打 散 你 的 對 敵，
　　　　　tshin-tshiūⁿ sí-lâng.
　　　　　親 像 死 人。

11a　Thiⁿ sio̍k Lí ,
　　　天 屬 你，

11b　　　Tuē ia̍h sio̍k Lí ;
　　　　　地 亦 屬 你；

11c　Sè-kài kap kî-tiong só͘ tshiong-muá--ê ,
　　　世 界 及 其 中 所 充　　滿 的，

11d　　　Lóng sī Lí só͘ kiàn-li̍p--ê .
　　　　　攏 是 你 所 建 立 的。

12a　Lâm-pak sī Lí só͘ tshòng-tsō tuē-ki ,
　　　南 北 是 你 所 創 造 地 基，

12b　　　Tha-po̍k kap Hik-bûn, in-uī Lí ê miâ lâi huaⁿ-hí .
　　　　　他 泊 及 黑 門， 因為 你 的 名 來 歡 喜。

13a　Lí ū tuā kuân-lîng ê tshiú tsiah kuân,
　　　你 有 大 權 能 的 手 此 高，

13b　　　Lí ê tshiú ū la̍t, Lí ê tsiàⁿ-tshiú kia̍h kuân-kuân.
　　　　　你 的 手 有 力，你 的 右 手 舉 高 高 。


14a　Kong-pîng kap gī-lí sī Lí ê pó-tsō ê tuē-ki tsuè thian-pîng,
　　　公 平 及 義 理 是 你 的 寶 座 的 地 基 做 天 秤，

14b　　　Tsû-ài kap sîng-si̍t kiâⁿ tī Lí ê bīn-tsîng.
　　　　　慈 愛 及 誠 實 行 在 你 的 面 前。

15a　Uē tshut huaⁿ-hí ê siaⁿ hit-ê peh-sìⁿ ū hok-khì muá siâⁿ,
　　　會 出 歡 喜 的 聲 彼 個 百 姓 有 福 氣 滿 城，

15b　　　Iâ-hô-hua ah, in tī Lí ê bīn só͘ huat-tshut ê kng teh kiâⁿ.
　　　　　耶 和 華 啊，伊 在 你 的 面 所 發 出 的 光 在 行。

16a　In ji̍t-ji̍t in-uī Lí ê miâ lâi huaⁿ-hí .
　　　伊 日 日 因 為 你 的 名 來 歡 喜。

16b　　　In-uī Lí ê kong-gī tit-tio̍h sing-kuân siū thê-khí.
　　　　　因 為 你 的 公 義 得 著 升 高 受 提 起。

17a　In -uī Lí sī in khuì-la̍t ê îng-kng;
　　　因 為 你 是 伊 氣 力 的 榮 光；

17b　　　Koh in-uī Lí ê ìm-ńg ,
　　　　　又 因 為 你 的 蔭 影，
　　　　guán ê kak beh tit-tio̍h kia̍h-kuân ê îng-kng.
　　　　　阮 的 角 要 得 著 舉 高 的 榮 光。

18a　Guán ê tîn-pâi sī sio̍k tī Iâ-hô-hua--ê ,
　　　阮 的 盾 牌 是 屬 在 耶 和 華 的，

18b　　　Guán ê ông sī sio̍k tī Í -sik-lia̍t ê Sìng--ê .
　　　　　阮 的 王 是 屬 在 以色 列 的 聖 者。

19a　Tng-sî Lí tī īⁿ-siōng-tiong huan-hù Lí sìng ê peh-sìⁿ,
　　　當 時 你 在 異 象 中 吩 咐 你 聖 的 百 姓，

19b　　　Kóng, Guá īng pang-tsān ê khì,
　　　　　講 ， 我 用 幫 助 的 氣，

19c　Hē tī hit-ê ū kuân-lîng--ê ê sin-tsiūⁿ--ni̍h,
　　　置 在 彼 個 有 權 能 者 的身 上 裡，

19d　　　Tuì peh-sìⁿ-tiong kíng--ê , Guá ko-sing--i .
　　　　　對 百 姓 中 揀 的，我 高 升 他。

20a　Guá tshē-tio̍h Guá ê lô͘-po̍k Tāi-pi̍t;
　　　我 尋 著 我 的 奴 僕 大 闢；

20b　　　Īng Guá ê sìng-iû buah i ū siū-suán ê khì-tsit.
　　　　　用 我 的 聖 油 抹 他 有 受 選 的 氣 質。

21a　Guá ê tshiú beh siông-siông kap i tī--teh bô lī ,
　　　我 的 手 要 常 常 與 他 在 的 無 離，

21b　　　Guá ê tshiú-kut ia̍h beh kian-kò͘-- i .
　　　　　我 的 手 骨 亦 要 堅 固 他。

22a　Tuì-ti̍k buē-uē li̍k-sik i ;
　　　對 敵 不 會 勒 索 他；

22b　　　Hiong-ok ê lâng buē-uē khó͘-tshó͘--i .
　　　　　兇 惡 的 人 不 會 苦 楚 他。

23a　Guá beh tī i ê bīn-tsîng phah-tshuì i ê tuì-ti̍k;
　　　我 要 在 他 的 面 前 打 碎 他 的 對 敵；

23b　　　Kong-kik hit- ê uàn-hūn i ê lâng hō͘ i sit-sik.
　　　　　攻 擊 彼 個 怨 恨 他 的 人 使 他 失 色。


24a　Tsóng-sī Guá ê sìn-si̍t, kap Guá ê tsû-ài beh kap i tī--teh;
　　　總 是 我 的 信 實，及 我 的 慈 愛 要 與 他在 的；

24b　　　In-uī Guá ê miâ, i ê kak beh tit-tio̍h kia̍h-kuân tsòng-sè .
　　　　　因 為 我 的 名，他的角 要 得 著 舉 高 壯 勢。