陳雷文選【前期文章索引】

飛星

阮二姊一世人相信運命，人生萬事早tō注定，據在你外gâu，hōo你bē計較得。聽伊解說，概成相當有理，攏是親身ê經驗。

紅牡丹

以前愛khiā-kûan,ùi九份看基隆港ê海岸，hn̄g-hn̄g半個圓，闊闊若畚箕嘴。好天黃昏ê時，海港外口ê龜山，反射著nńg-tsiánn ê西照日，概成一tè變魔術ê大鏡，港--裡ê水tō雄雄反紅若牡丹。Tsit-má罕得khiā-kûan看，因為溢tī心內底，基隆港ê水色永遠tshinn-tsioh若紅牡丹。特別是八堵ê阿婆月梅，hit一日已經親嘴kā我講過，in去tshūe伊ê時，港裡ê水色bē退，mā是紅ki-ki若牡丹。

抗爭者

這個龜怪ê抗爭到底tiâng時起勢（sì)，真pháinn確定。有人講，in水a年初破病hit時開始。有人講m̄是，3月19日阿扁a hōo人tūann槍開始ê｡Hit tsām媒體tshiāng-tshiāng滾，mā有人賴講是電視看了siunn tsē｡不過終其尾來，大家攏真知，花a成實有siáu｡Ah無，thái會三巡告去到最高法院，攏判thâi人無罪。

祈禱228

三月a，
雨為啥物koh落 ？
街路染紅，
血色ê記念洗無清氣。

PP基因

這種人有一款特別ê氣味，牽豬哥ê財--a上蓋瞭解。生--出-來tō有，人講是基因ê關係。這二個雙生出世ê時，in老pē看一眼、phīnn一下、huah一聲「害」，頭uat--leh出--去，自按呢無koh轉--來。In老母頭一胎生雙生，差一sut á難產生bē出--來，血直直拚，據在嬰á khàu一晡，佳哉才返魂倒轉--來。

美麗國家

咱ê國家
美麗台灣
太平海洋出炎日
蓬萊島嶼萬年芳
代代辛勞
人人拍拚
伊是咱祖先ê美夢

Thâi狗

Hit日，七堵kap八堵仝款，死真tsē人，攏死了足雄koh足tshenn-tso̍h,有ê連棺柴to無。無人料想會到，比狗死khah tsē｡老大人講，古早日人(jîn)時代tsi-bu-suh大流行ê時，mā無tsiah慘。我想，攏是為著狗ê關係。Hit tsām,七堵ê人kap tsín仝款m̄甘狗。m̄-kú,和平、永遠、清天……in無飼狗，tī廟裡燒香求保庇mā是死；金蘭a伊進前狗á已經牽去a,無koh再飼，mā是死；koh阮七堵ê美人秋月，伊有電頭鬃，āinn嬰á猶未度tsè,死tī水窟á邊，幾lūa工無人看著。大人攏m̄愛講，罵阮gín-á人m̄通烏白問，烏白聽。莫怪這個誤會tsiah深tsiah久。

會使拜拜

這個世界，
thâi人為著愛，
因為尊敬上帝，真愛A-lah，
tī街á，tī市á，tī大寺，
大人gín-á pōng hōo碎碎，
恁看，上蓋tshinn ê肉掛骨掛血，
大tè細tè，肥ê tsiann ê攏有，
iā tùa土腳tō會使拜拜鬧熱，
m̄免煮熟，香m̄免插。

虎姑婆

美國加州南部這個所在氣候熱，koh定定有地動，所以台灣人來tsia tùa攏會慣勢。Los Angeles本地免講，tī四圍附近親像Irvine這個所在，tō真tsē台灣來ê移民tī hia作生理食頭路。

傳道者

盧重義長老今年74歲，作人樂觀，身體猶足勇健，不時家己一個出國，四界去旅行。不過伊有一個習慣，tō是遊覽愛兼傳道，去到tó位，有機會tō講福音hōo人聽。少年ê時，bat去巴西作生理移民，tī hia tùa過成十年，也看過真tsē艱苦人想bē到ê悽慘代誌。這個習慣大概tō是hit個時陣tùi hia開始ê。｡

主席萬萬歲

這個人口真tsē ê國家有一個大獨裁者，一人統治已經20外年。Tī國內，伊ê地位bē輸人間ê神明，講烏tō烏，講白tō白，全國攏無人kap伊有無仝款ê意見。伊ê正式稱呼簡單叫做“偉大ê主席革命ê舵手萬歲萬萬歲”。

阮hia菜寮溪

我ê朋友登科a知影我hit tsām心情無好，不時家己一個關tī厝內，專工招我去peh阿里山，suh空氣看大欉樹，講是浸森林浴，洗洗leh心情tō會輕鬆。Tse阿里山我蓋久無來a，學生時代高中畢業旅行ê時bat來過。Hit陣我kap登科a仝班，坐隔壁，上蓋相好搭bā。這日雨sap-sap滴，無啥人客，林場ê小火車頭猶tī hia，koh過去tō是林場ê員工宿舍，柴pang釘ê，一tsàn一tsàn順he山phiânn起lih。

謀殺者

Hit個gín-á hōo人按圳溝救起來hit日，in老母kā伊lám leh meh-meh-khàu m̄放，bē輸真知影，若放去tō會koh無去。按呢mooh一暝，隔轉早tsông去仙公廟燒金，kā神明tsiù-tsūa下願，ùi這日起ta̍k日敬神拜佛食長齋。In老pē tshûan一副豬心豬肝，一隻蕃面鴨角，koh一擔官田ê菱角去金印a in tau，kā伊拜kā伊謝。“這個國生a我生ê，m̄-kú是你才有ê 。”這句話講四、五遍，招伊結拜換帖作兄弟。

約束

頭gia̍h起來e5hit時，火車已經teh tín動起行a，tú-tú好面對面影一下，目睭相咬，心肝ínn-á tshia̍k一tiô，奇怪a，這個查某gín-á，現現tō生分無熟sāi，thài目睭會講話，teh問伊：「你敢會認得我？」

逃犯

警察講是我thâi ê，新聞mā攏按呢報，koh有hip喜a ê相出來。看起來無啥sîng，喜a人加真少年，mā khah好看。M̄-kú確實m̄知影是啥人thâi ê，到tann kan-na會記得，醒來ê時，我雙手攏是血，穿一領內褲khiā tī hia。

下晡一齣戲

12點到，伊家己會來，入去sùa尾間病房111號，無聲無說，連開門也無人看見。總是，來進前攏先有一個特別清涼ê芳味，像三月咱the̍h á種ê柚á花，一陣一陣。倒tī眠床鼻著，tō會精神醒起來。Mā有看著伊ê面，若十五暝ê月，溫柔光iānn，才30出頭niā-niā。

死人戲

Hit暗伊第一遍親目看人死去，tú-tú對對tī伊ê面頭前。Hit個煌a ê頭殼kap面hōo槍pōng pháinn去，血kap肉幼á phùn著伊ê衫，tshòng lap-sap去。不而過因為死了siunn緊，前後一個目nih niā-niā，所以經過看也無詳細。「死tō是按呢ooh。」Tse是伊hit一暗tī謀殺現場ê印象，算起來已經beh 20冬a。Hit時伊tú-tsiah 19歲，Ma-sah講beh tshūa伊去看人死。Ma-sah比伊大3歲，勝a叫伊大ê，凡是食薰、食酒、sńg查某空、作賊偷攏是Ma-sah教ê。

放帖

阮bân叔a以早tùa tī草地關廟hia，作人上蓋土直，一tō是一，bē曉khi-khiau計較。若是作sit上蓋gâu種綠竹á筍。普通時無啥teh出門，罕罕有來市內，攏會功夫kūann一籠筍á來相送，講：“無啥tah。Tse家己ê tah。早起現割ê tah。”Hia ê gín-á有時會學伊講：“Bân叔tah，你tse筍á tah，上蓋好食tah。”成實he筍á鮮koh tinn-but，市內買無這款ê。

無情城市

Tse 菜 刀 早 起 阿 環 有 磨 過 ， 刀 嘴 有 利 。 烏 槍 ê 相 真 真 斬 落 去 ， he指 頭 á 一 下 tō tok 斷去 ， 齊 齊 一 節 落 tī土 腳 。He gín-á tō是嘴 hōo 人 用 布 tsinn leh ， 哀 bē 出 聲 ， 驚 kah 目睭 liap -- 起- 來 m̄ 敢 看。 總是 伊 ê 雙 手 hōo 人 用 索 á 捆leh ，pi̍k tī 椅 á kuai bē tín 動 ， kan-na會 曉 身 軀 phíh-phíh-tshuah 。雞 kui á kā 索 á tháu 開放 līng去 ， he手 骨ê血 才 流 過 來 手裡， 雄 雄 按 tok 無 去 ê 大 頭 姆 hia 作 一 下 bū出來 。

荔枝大出ê時陣

He捷運ê電車tú-tsiah inn-òonn inn-òonn 駛離車站，月臺hit頭tshun伊一個人。起先無看著伊ê面，因為伊頭tshih-tshih，顧看土腳，概成teh tshūe啥物。M̄-kú he健美ê形體若吸石kā我吸leh，我變作一尾ia̍h-á hōo大蕾芳味ê牡丹siânn úa 去。

鳳凰起飛ê時陣

Tī 台 中 這 個 美 麗 ê 都 市 ， 有 美 麗 ê 人 做 hōo 別人 歡 喜 ê 代 誌 ， 尤 其 是 天 暗 了 後 ， 五 彩 ê 燈 火 四 界 點 光起來 ，大 家就知影是唱歌歡喜ê時 陣 。

天使

雖然tsīng 4、5年前伊tō無teh tshap代誌a，所有ê企業攏放hōo hit二個後生去hūann，m̄-kú tī伊身軀邊ê人，親像司機羊á攏猶稱呼伊董事長。Bē輸按呢叫，人才bē bē記得，這個王永來財團所有ê大企業攏是伊一個人空手拍拚起來ê，到tann資產上無mā成千億。

贏

惱（lóo)惱死m̄是伊本來ê名，m̄-kú按呢叫久了順嘴，suah變作親像是伊ê正名，比賽ê時mā是這款叫法，無人koh再叫伊正式ê英語名Dorothy。

面會

我想這回設使m̄是坐hiah暗班ê飛機，大概tō bē去遇著這件代誌。總是tī Vancoover等候轉機ê時，已經是半暝過後，規個機場空lòng -lòng，無幾個人客，khih-mooh-tshih有khah稀微。另外tō是hit時我已經真thiám ah，愛睏神tînn leh，頭殼bē清楚，tse難免也是一個緣故。

台灣製

M̄是pu̍ah杯靠土地公保庇，
因為咱下決心拚意志，
贏！
四冬前用選票聲明，
頭一擺政黨和平輪替。
擔頭挺胸是咱ê Formosa，
刺毛蟲變彩ia̍h-á thí-si̍t，
台灣製ê民主奇蹟。

悲心

白頭毛ê仙童子講過ê hit幾句話，許月真相信，我是感覺tsiânn實古怪。不而過，tsit-má kā想起來，若像自hia ê話以後，伊就hē一個決心teh等待。

美麗國家

咱ê國家
美麗台灣
太平海洋出炎日
蓬萊島嶼萬年芳
代代辛勞
人人拍拚
伊是咱祖先ê美夢

痣

天tú tsiah拍phú光，in tō kā伊扛出門。因為有人講，查某gín-á ê身軀m̄通pha̍k著日頭光，所以頭到腳用白布包bā-bā，索á 捆三liàn。按呢人講神魂包tī hin內面，無走去，才會tàng行過去，hit tsūa無名無字ê往生橋。

最後ê hioh腳

我規粒心所疼痛ê台灣a！我ê青春攏總獻hōo你。

太武山魂

Tī tsia，全排灣散赤ê庄落，伊上蓋老，bē輸瑪家koh入去hit tsūa禿頭ê舊山，老kah人bē記得伊ê名，攏叫伊“長老”niā -niā，古早番社時代tō按呢稱呼。無人知影確實幾歲，老一輩ê講，日本人森丑之助來北葉社訪問調查hit年，有hip著伊ê相。

生死

生ê奇蹟
用歡喜ê súi布包起來，
交hōo母親；
神有吩咐，
m̄-thang kòng破，
bē-tàng koh換新ê。

Pu̍ah kiáu出頭天

若是講起三斗ê過去，趣味事真tsē，m̄-nā是王爺宮hia ê人bat伊bat kah有tshun，差不多規麻豆tō攏人人知影伊ê名。

祈禱228

三月a，
雨為啥物koh落？
街路染紅，
血色ê記念洗無清氣。

素花老師

陳素花老師退休hit年進前，tō有五年級學生ê家長來學校tshūe伊，也有真tsē去in tau拜訪，請伊m̄通退休，koh再教一冬，等in kiánn六年級畢業了才退休。素花老師tī成功國小教冊30冬a，大家攏講伊上gâu教，上關心學生，是台南市上蓋好ê導師。

會使拜拜

這個世界，
thâi人為著愛，
因為尊敬上帝，真愛A-lah，
tī街á，tī市á，tī大寺，
大人gín-á pōng hōo碎碎。

為啥物háu a？霧社

湯銀花9歲hit年，生作kap伊老母9歲ê時仝款，sán-sán thiu-thiu，足gâu走pio。10月27日hit工，老母第一擺tshūa伊去社外hit個墓á埔，úa tī東旁ê山phiânn，頭前一tsūa lò-lò長淺行ê山谷，無發樹á，全是一人kûan ê長草，一大片thàng去到山腳ê溪頭。攏總無幾個墓，mā無墓牌，kan-na úa內底hit個有一枝kûan-kûan直直，koh是烏石á磨金金刻ê。

阮二姊

若講人生有生tō有死，
死是上蓋自然ê代誌，
怎樣時到又koh m̄甘放你去？
心肝底針tsǹg ui tsha̍k，
tsiah-nih痛，tsiah-nih困難。

放送第四台

這個所在天暗tō清涼起來，雖然是簡單一個竹棚á搭ê，koh是tī庄尾，一邊úa大路，一邊úa田，m̄-kú近公路ê出口，過路車真tsē。特別是有一粒大粒紅燈吊kē-kē作khang-páng，頂面大筆寫寫三字烏字「薑母鴨」。

看金字塔，我m̄免死

Ta̍k日生一粒日頭，
tī 沙漠kā 你ê金字塔鍍金，
你講：我是Khufu，我m̄免死，ah，你有國王ê kha-tu-sih。
m̄ -kú，行tī去死ê大路頂，
你kap乞食排仝一tsūa。

學甲公

Tī台南縣散鄉ê鹽分地帶，kap佳里興相隔壁有一個小所在叫作學甲。以前以前，tsia也是一個富裕ê鄉庄。Tann現在，若是去到hia斟酌看，mā猶看會著一寡hiàng時好額人ê物件。

Formosa ê種子

Formosa ê種子為啥物？
風飛沙ká leh輕輕飛起，
作一睏來到寒帶ê北美，
落葉ê樹林，khàm雪ê土地，
無想著tī tsia發一欉
m̄驚冷ê熱帶花蕾。

愷悅公主

陳雷
「一百萬！一百萬！一百萬！…」鳳a大聲hiu，雙手gia̍h kûan概成teh huah萬歲。「一百萬！一百萬！…」俊a tùe伊hán，kā鳳a規身軀mooh起來se̍h。俊a人細hiunn，鳳a身肥thún，顛一下差一sut á siak倒。不過事實總數是99萬，算二擺a，kah無一百萬。Huah一百萬加真爽tō是。

文旦柚ê故鄉

普通時á若有轉來，
鄭雅怡老師會kā你安排，
去北勢寮ê真理大學，
講一kúa台語文ê心適代。

生kiánn發pōng

林美娘以前對龍無啥認識。有身了後，親身經驗，才知影龍ê厲害。本來田庄人顧三頓上要緊，ná有îng工去計較tse有若無ê物件？嫁來張家了後，in張家tī台中有一間大厝，tī大雅有一個大墓。Tse大厝kap大墓靠風水teh運轉，龍ê大誌就是按hia來。

一百個春天

Tī這個簡單ê教堂
今á日下晡
草á teh反青，樹ue teh puh-ínn
鳥á kiánn teh叫啼
咱相kap吟詩
o-ló tse第一百個
歡喜ê春天

白菜博士

陳桔這款人，青暝牛無讀冊，完全靠伊ê辛勞kap智慧，發明這種差不多十全ê白菜，ná有輸讀大冊ê大學生？所以tī台南縣農會菜類競賽，連續兩年冠軍兼一屆特別獎以後，人就尊稱伊作白菜博士，伊ê白菜叫作博士白菜

縱貫線ê相思

M̄是穿綠裙ê姑娘á teh ia̍t手
pha̍k日頭ê山phiânn
有天才ê畫家
畫真tsē青春ê相思樹

萬巒檳榔女

第一工我tō有注意著，這個新來ê西施，bē輸暗頭第一粒出世ê星光，會siânn人u̍at頭koh kā看一擺。伊頭鬃尾pa̍k翹翹，染kah紅húann 紅húann ，mua一領獻獻ê紗á，kûan-kûan坐tī玻璃櫥á內，裙té kah差不多無看見。我kan-na有看著he肉感、肉色ê腳腿。

Naruwan ê歌

Tī這間簡單ê神ê大厝，
朋友a，m̄免koh再探tshūe。
因為khiā-kûan ê厝尾頂，
神用Naruwan ê歌宣示：
“Tshūe著a！Tī tsia！”
“U-sa-pi-ma-an-…
U-sa-pi-su-la-…

飛車女

阿英出世hit日，風颱凱蒂掃過台灣南部，時速160公里。Hit暗in老母pak肚痛，teh beh生。In老pē出去tshūe產婆，可憐規個佳里作水，風颱雨息電，beh去tó tshūe人？

查甫人 ê 栗子

上帝作查甫人ê時，
hōo伊三粒lān核，
二粒tī下面，
一粒tī內面若栗子（la̍t-tsí）。
伊講，去，認真去生湠，
hōo世界有真tsē敬我ê人。

救鞭

邱董ê kap伊ê太太婚姻bē和，是幾年來公司內外攏知影ê代誌，大家做伙ê時開講ê材料。主要是討論in bē和ê原因，無人真知。所以講來講去，難免謠言種種，有人講是錢，有人講是年歲ê關係……。

山

土腳ê綠色四季相仝，
山頂ê白雲一時一款，
心情好bái不管，
生成美麗免打扮，
故鄉有近近ê玉山。
玉山是迷戀ê愛人，
m̄是仙境眠夢。

母ûe Kiánn ûe

講著生kiánn這項代誌，古早人一 生十外個，tshìn-tshái飼tshìn-tshái大，m̄免操心計較。現代人生一個kiánn，頭khah大天，按細漢換尿tsū-á la̍k屎尿，到大漢讀冊、tshūa某生kiánn，心神m̄知攏總用幾 thoo-la-khuh。

咱ê土地，咱ê血，咱ê社會

阿姊，阿姊，恁看，
下面大海，hn̄g hn̄g是啥貨？
像一條番薯，長長e̍h e̍h，
浮tī水面，若一蕾玉蘭花。

獨裁者

五十年無夠額，

咱歡迎新ê獨裁者，
媒體是改裝ê警備司令部，
宣佈新世紀戒嚴令：
kan-na有講白賊ê言論自由，
bē使講台灣好。

亞力出頭天

伊khah愛人叫伊ê美國á名A-le-khu-suh(Alex)，大家攏知影，所以攏按呢叫伊。有時無小心叫伊亞力，伊tō無歡喜，目睭gîn一下，tìnn無聽著無beh tshap人。

神bē bē記得

看起來是pē-á-kiánn兄弟，
仝款散kah鬼beh拖去，
割nâ喉ê冤仇，
Oo目睭仁ê切恨，
Ùi tiâng-時開始？

阿春無罪

會記得我見過阿春前後攏總兩擺，到tann事後回想起來，印象猶真清楚。

第一擺是hit日伊ê老母tshūa小弟來我阿叔ê診所，也無啥物特別ê急病。單單聽厝邊有人喊，診所有一位咱麻豆按加拿大轉來ê醫學博士，tshūa gín-á來bóng hōo伊摸摸看看leh，bē輸是去廟裡拜佛祖按呢，保一個平安。

神bē記得

神造地球ê時，
有留A-hu-gan（阿富汗）ê沙漠
kap bē發草ê山，
hōo 21世紀ê戰鬥機
練習khian炸彈。

拍

講著這個『拍』，有大拍、小拍，有用tshûe-á拍、tshìn-tshái用手拍，有罕罕一時á拍，有三不五時拍，----種種無仝款ê拍法。若是阮厝邊hit個阿惠，大家攏知影，大拍小拍，不管時teh拍，tō是按呢真正食力lah。

感謝

Tī我離開人生ê宴會進前，
銀河ê星粒已經滿滿是，
吊tī鬧熱ê大廳頂面lia̍p-lia̍p-sih，
無îng ê人客出出入入。

老伴

咱這個可愛ê台北市，三月底起，天tō ta̍uh-ta̍uh-á烏陰，雨也mn̂g-mn̂g-á落，四khoo圍ê山崙kûan-kûan kē-kē，不時tah霧。Tō是這日，八里hit頭ê觀音山也認bē出來，霧khàm來到半山ê墓á埔，看bē著觀音ê面。

萬巒檳榔女

恁kā我號真súi ê名
叫我穿真té ê裙，現領（hiàn-niá)ê衫，
hōo我踏kûan屐坐kûan椅，
講按呢才bē遮著，
我二枝肉感ê大腿。

赤查某

咱現代社會文明發達，生活緊張，致使到時常有人會有神經衰弱ê症頭。Tse我作醫生30外冬a，差不多ta̍k日攏會遇著。Kan-na看病人ê面色表情，m̄免問tō差不多會tàng斷定。親像這個曾小姐這日家己一個tī hia，坐也坐bē tiâu，khiā也khiā bē好勢，一枝薰直直pok。看起來30外外a，嘴á pok-pok，一個面niau-niau-phok-phok，若póo去ê柚á皮，生成tō m̄是súi 噹噹ê仙女，又koh憂頭結面，規身軀穿烏ê，bē輸in tau teh出山辦喪事。我一看tō知影是這個症頭。

咱人ê秋天

人teh老進前，
心神上蓋勇健，
你看，tú-tsiah六十，
一半ê頭毛已經白閃閃。

無彩hiah gâu

咱人大部份ùi生到死渺渺茫茫，一生過beh了a也無啥物通好kā人展風神ê成就。不過有時罕罕a也會無張持遇著「一生偉大ê時刻」，親像Niu-tong（Newton）頭殼hōo蘋果kòng著，親像Ah-khi-mih-tooh（Artsimedes）洗身軀hōo水淹著，雄雄得著一個一世人瞬間ê靈感啟示，ùi hia致使到偉大ê發明，貢獻人類，hōo後來ê人o-ló數念感謝伊。

阮tsia ê秋天

寒人beh來進前，
秋天上蓋光iānn，
你看，猶未冷氣，
規山ê楓(pn̄g)á已經換衫。

暗殺者

阿明半暝轉來到厝，老母猶未睏teh等伊，入門tō問：“敢有影？美國á kap咱斷交”“有影lah，新聞teh報。”“是按怎beh kap咱斷？”阿明無想著老母thàn食人賣蚵te，也會問這款kap美國á外交ê問題，tshìn-tshái tō應：“Khi-moo-tsih bái tō斷。”“Ah有要緊無？”這日有人客買蚵te，kā伊tâu:“Tann台灣知慘a。”所以這暗蔥命猶m̄睏，專工等阿明轉來，beh問伊有要緊無。

讚美

假使hōo我有一個機會，
ùi死亡ê山頂看生ê風景，
tī時間teh流ê大海頂面，
神ê日頭光照著，
算bē了閃sih ê目nih。

作罪lah

無想著昨暗雨落hiah大，像teh piànn面桶水，相連續落幾nā點鐘。透早天suah清起來，雲也無a。雄雄雨攏停去，大路洗kah金金，上好tō是這條大溝，pùn-sò tsâng kah清氣清氣，tshun幾位積溝á土ê所在，因為已經有發長草，無hōo水tsâng去。落大雨了tō是按呢，連大溝ê臭味mā無去。

駛船

人生是一隻出帆ê小船，
tī世事ê大海行m̄知ê水路，
載感情ê重貨駛起落ê波浪，
好天pháinn天，出日落雨。

起停盤

「我永遠tī你ê身邊，你笑我tùe你笑。你háu我kā你拭目屎，…咱仝一條性命，我是刺毛虫，你是刺毛虫變出來ê iâ-á，我永遠kap你分bē開…」茵蕙手裡the̍h hit張批紙，ná讀目屎ná tho̍p-tho̍p-滴，紙滴tâm去，字tō霧去。

掠夢

昨暗收著你寄來ê夢
無話ê嘴tsûn有笑神ê祕密
烏金ê頭毛抹玉蘭花芳

黃啟ê結劇

大家攏niauh-niauh等，等伊目睭thí金koh看一下。已經成禮拜a，tō是kan-na睏bē醒m̄知人。有一回若像有精神過來，看in罔a，看勝a、宏a、娟a…，liâm-mi tō koh睏去。醫生講，大概無望a，tse大家攏知影。

溪

古早阮按tsia過，
攏叫你ê名濁水溪，
水濁濁，水真tsē，
魚mā真tsē。

阿bái

清美出世ê時，伊ê老父看伊一眼，uat leh作伊出去，tī廟口kap人lim茶開講，暗暗才轉來，無koh講半句話。伊ê老母hit年45 a，kā嬰á ánn leh，ná看ná念：“Thài tsiah bái lah ？”m̄知teh笑抑是teh khàu。

母語ê愛情

你會使拍我ê皮，
你會使tsing我ê肉，
但是我語言ê權利，
bē使hōo你來剝奪。

人生59

Tī台中市，差不多大家攏知影，姓賴ê in是三代ê大好額人，自in an公賴鐵起，tō是gâu看厝瞻（tsiam）地，tsit-má聽講市內四界kan-na有店面ê樓á 厝上無也有3、40間，菜市á 對面hit tsūa，規排攏in ê。

舊事

過去ê代誌ná會koh轉來？
咱第一擺橋頂相遇ê所在。
若像生分若熟悉，
為啥雨中teh等待？

失樂園

真tsē tī台灣ê中國人為著日本兵ê慰安婦道德上大憤慨。Hōo我想起我作兵ê時，軍中有真tsē這款失落ê「樂園」。這篇是我ê報告。

苦痛ê三月天

苦痛ê 228，
花蕾滿山邊，
bak血ê溪水流去海kînn，
屠殺ê草埔無聲五十年，
魔鬼ê腳號印tī土裡；
ta去ê骨頭，冷去ê血跡，
侮辱ê身屍，
用燒lō ê目屎洗bē清氣。

高山玲子

高山玲子過身ê時，身軀消póo，kiu kah tshun 142公分，體重36公斤。棺材店ê頭家看看leh，kā伊ê後生講：「咱大人ê無作tsiah細ê。用gín-á ê tō會使。」In後生因為社會上外觀ê關係，pháinn勢用gín-á ê，mā是買大幅ê棺材來kā伊安葬。

一代過了koh一代

一代過了koh一代，
春天過了熱天來，
人講tsia是好所在，
玉蘭開花免人栽。

心戰

Tī hit年，tse算是一件稀罕困難ê病例。所以手術成功了後，電視、新聞報真tsē，o-ló伊是台灣上gâu ê心臟外科專家，mā是國際一流ê權威。

台灣ê khih-moo-tsih

番薯mûai，蚵á煎，擔á麵，
人講tse是台灣物，
khah試to欠一味，滋味走精去。
ah，為啥物？為啥物？
In講“歡迎光臨”，
這句咱聽bē入耳。

The Unspeakable

Hit暗我ê老父he-ku喘又koh大giâ起來，今年這個5月算起來已經3擺a，這回上蓋厲害。He khùi bē輸拍鐵á灌風tâng hī-hū叫，面一直烏綠去。我ê老母聽著伊喘，青狂tō罵：“你這個薰koh m̄改，he-ku giâ起來，攏mài tshap你，放顧在你去hê!” Tann這句話m̄知已經講幾遍lah，mā是講未了tō叫我緊去叫先生。

母親

世間第一親
tō是咱母親
有話免出嘴
知影咱心意

琴聲Siu-be-tooh (Stsubert)

若是少年老師瑞英，音樂是人生上大ê安慰kap歡喜，生命ê泉水。Tse是伊ê天份，生時kah來ê，或者mā會使講是伊ê束縛。細漢ê時，tī學校聽老師彈琴，看kah無人教家己會曉彈。老師疼惜伊ê天份，免費kā教，mā hōo伊上台表演，去kā伊ê老母講，這個gín-á大漢ài作演奏家。

記池

若是你會記，
請你kā我講起，
全世界ê歡喜，
bē輸五彩西照日。

食老按呢想

今á日in大舅，hit個樹頭a，又koh來ah。一tsūa路hiah-nih hn̄g按屏東來，講好聽是來看我，事實是beh來看土地，伊kap in攏鬥空好勢ah，tsit-má是仝黨ê。

綠川mā有白鴒鷥

綠川mā有白鴒鷥，
透早來tī橋腳kînn，
孤單一隻khiā直直，
恬恬看咱綠川水。

圖書館ê秘密

市內這間舊圖書館雖然細細間，m̄-kú外觀非常完整美麗，是日本時代hit種西洋式二層ê建築。厝殼一部份是白石起ê，一部份是豬血hit色ê紅磚á thia̍p起來ê，前門有一個小小ê石梯，四、五層真古錐，我上kah意。

金山頂

近近是台灣ê雲，
Á是加拿大ê雪；
金山ê山頂
炎日叫大海ia̍t風，
青天欠別色上súi;
草木四界攏開花，
山路細條無人客；
已經一切無聲也無說，
免koh畏kûann驚霜雪。

Kíng婚

高友通校長ê三個查某kiánn tō是大漢ê碧玉生作上súi，身材kûan koh lò，皮肉白koh幼，看起來秀氣koh高尚，bē輸美國電影名星Grace Kelly。讀台大護理系ê時，少年家á 不時tùe一大陣tī kha-tshng尾，hōo伊ê老母操心。

永遠ê故鄉

br>
看著是茫茫ê海水，思念是遠遠ê故鄉，
三十年飛鳥teh流浪，故鄉，我ê故鄉。
鼻著是芳芳ê花味，風吹是靜靜ê故鄉，
一、二欉蓮霧teh開花，故鄉，我ê故鄉。

草地tshūe牛

學生gín-á時代見若轉去草地tshit-thô，第一就是去tshūe牛。Hit時阮二人親像我ê阿嬸講ê:「做伙就bē輸索á拍結分bē開。」我ê阿嬸對我kap牛做伙自起頭就無啥熱心ê反應，時常當我ê面念：「牛m̄愛讀冊」，驚我hōo伊影響thūa pháinn去。但是我hit時一直感覺著，tse是in大人無公平ê偏見，對牛無瞭解ê關係。

夢

昨暝作夢回故鄉，
老母病tī眠床中；
少年m̄知青春貴，
輕言一別三十年。

出國這項代誌

二十四年前，beh出國hit年ê熱人，我按台北轉去台南，去kā親tsiânn朋友相辭，最後hit日，去看阿媽ê墓。我想tio̍h阿媽以前上愛食甘苦伯a ê粽，所以透早就去上帝廟，beh去買粽，the̍h去看阿媽ê墓。

有人問你為啥物

有人問你為啥物，
家庭朋友來相辭？
因為故鄉有苦難，
離開已經三十年。

歸仁阿媽

阮歸仁阿媽kap阮老父相像，作人無性無地，不時一個面笑嘻嘻，有話一句一句liâu-liâu-á講，輕聲細說，m̄-bat看伊大嚷受氣過。

思念雨

細雨sap sap落，
Kui暝睏bē落；
輕聲叫阿娘，
阿娘你tī toh ？

凱西講牛

這細漢gín-á按我上車hit時tō teh háu，m̄-kú車內kan-na tshun伊隔壁上尾這位。Kā看，he少年阿母teh kā io，koh是市內摩登小姐抹芳水hit款ê打扮，我tō tī伊ê邊a坐落來。

Tī he遠遠ê所在

Tī he遠遠ê所在，咱ê故鄉teh等待；
親像母親有病痛，khǹg tī心內無人知。

Ba-suh頂ê革命

我beh坐統聯ê ba-suh去台南hit早起，我ê丈姆真無放心，幾nā擺吩咐我：「M̄通坐頭前」。我hit時m̄知伊ê意思，也無問清楚。想講大概頭前khah吵ê關係。

M̄驚風來m̄驚雨

M̄驚風來m̄驚雨，
m̄驚烏雲遮tio̍h路；
手gia̍h鋤頭擔畚箕，
giâ頭thǹg theh走大步。

大頭兵黃明良

相命ê算算leh，pok一枝薰，kā切a ê老母講，舊曆五月初七是大好日子，的確親tsiânn會百年久長，明年就生後生。

所以五月初七切a嫁出去hit日，伊ê老母特別歡喜，規個西庄ê人lóng 知影了了。透早陳早伯ê厝頭前就圍一大堆gín-á beh看新娘。

我是一個台灣人

我是一個台灣人，蓬萊寶島真siàu念；
稻á甘蔗芎蕉園，龍眼白柚旺梨山；
若是水流曾文溪，釣魚摸螺攏會tàng。

美麗ê樟腦林

Hit個烏肥ê阿澤是研究森林ê人。台大畢業作兵了，hōo人派去阿里山森林管理實驗場作管理員。伊人tiau直，kap人koh好作伙，lak袋á若有幾khoo銀，tō招人去食kap lim，開了了。Hit個樟腦林管理組ê下底，有五、六個退伍兵老芋á，伊mā常常請in去食。特別是hit個白ê，食了知滋味，看伊領錢ê日tō來招伊，若像是伊ê好兄弟。看tio̍h伊，tō笑hi hi；肩胛頭kā搭leh，叫伊「老郭」。
« 前一頁 | 1/0頁 | 下一頁 »