|
所以咱ài認清惡魔ê真面目，同時ài了解咱教會或者個人信仰生活ê限時性，期待咱ê教會，雖然tī曠野，但是suah是榮耀ê教會，惡魔雖然橫逆，但是上帝ê保守kap照顧koh-khah大，這是每一個基督徒siōng大ê安慰。
|
|
Koh再認bat約翰所推介ê疼ê事實，用tse來建立咱ê人生，來影響社會，這是教會存在ê價值。伊ê存在m̄是只為tio̍h基督徒，mā是為所有ê人！
|
|
基督徒靈命ê繼續kap成長，是基督徒生活中所buē-sái疏忽ê事實，咱必須用嚴謹ê心態，去體驗赦罪ê恩典；然後行tī光明中，活tī疼ê世界。因為in kap靈命有深切ê關係。
|
|
當然人ê意志力是軟弱無完全ê，基督徒ài tī伊ê人格中追求那完全ê，ài把握上帝！M̄是已經得tio̍h，是向tsit-ê標竿一直走，tsit種期待，是基督徒勵進ê意志動力。
|
 去蕪存菁2011.01.02
中國古早楚國有一個人和氏，發現一塊石頭，伊認定是一塊玉石，提去獻hō͘王，但是王看輕這塊石，而且叫人懲罰和氏，kā伊ê倒腳斬斷，幾年了後，和氏koh獻玉石，另一ê王kā伊ê正腳斬斷，和氏iáu堅信這是寶貝，最後這塊石hō͘刻成玉璽，做成玉璽了後，秦王願意用十五個城市來換取伊。米開朗基羅tuì糞埽堆內ê一塊大理石刻出有名ê大衛像。基督徒是hō͘基督tuì死來救活ê存在！
|
|
以弗所書二章1～10節，真清楚kā咱講：1）無基督ê人生ê悲慘ê狀況；2）基督kap人生ê關係；3）Koh-khah重要ê是咱tsiah-ê得救ê人生ê表現，咱ài時常存感恩ê心，完成咱ê使命——行善ê人生。
|
工顯資值2010.12.19
br> 總有一工，ta̍k位基督徒lóng tio̍h khiā-tī上帝ê施恩寶座前，展示伊ê一生ê工程，面對那嚴肅ê一刻，人beh聽上帝審判ê聲音，是擋會tiâu千錘百鍊ê金銀寶石ê工程，抑是不堪一擊ê工程？Lóng tio̍h顯露tī審判主tsìn前，he就是工顯資值ê時刻！
|
|
總講一句：以前咱是罪ê奴僕，tsit-má是上帝ê子民。「現今lín既然tuì罪得tio̍h釋放，作了神ê奴僕，就有成聖ê果子，he結局to̍h是永生。因為罪ê工價是死，惟有神ê恩賜，tī咱主基督耶穌內面，是永生。」
|
|
信仰hō͘人成做新造ê人，亞波羅ê狀況，to̍h是基督徒信仰生活真實ê內容，用信仰為主體，其他ê，比如學識、才能只是事奉信仰ê僕婢（工具），這tsiah是伊正確ê觀念。
|
|
耶穌基督交代所有ê信徒ài替福音作見證，所以：（A） 基督徒是福音ê籽。（B） 基督徒ê存在是成做榮神益人ê存在。（C） 保持美好ê面貌來見證信仰。
|
|
繁榮ê人生是人生存在ê方向kap目標，主耶穌真清楚kā咱講繁榮人生ê真實ê內涵。期待tuì約翰福音十五章1～16節tsit段聖經會有真正ê體會。
|
|
有一個日本學者訪問德國，看見西柏林ê朝氣，suah下結論講：市民ê氣魄kap phah拼，人民ê支持kap合作，環境ê配合。M̄管任何人才或者理想ê事業，若失去周圍ê同情或者合作，to̍h無簡單有成就，基督徒ê信仰生活koh-khah需要整體ê結合，建立共同心態，做夥向仝一目標去完成使命。
|
|
基督徒tī社會上beh建立良好ê生活原則，發揮做光做鹽ê特質，來榮耀主。
|
群體動力2010.10.31
做一位符合上帝旨意ê基督徒，關心教會。今á日教會ê任務，beh領tshuā人到主ê面前，發揮群體動力去完成主所託付ê使命。
|
|
基督徒ê現實生活kap一般人仝款，mā會tú-tio̍h真tsē困擾kap問題，必須teh信仰上建立家己，將一切交託hō͘主，因為主關心屬於伊ê人民，「Siáng ē-tàng hō͘咱kap基督ê疼隔開neh…….」（羅馬人書八章35節）
|
|
人生現實ê狀況，有真tsē問題kap困難，基督徒mā仝款，m̄-koh基督徒ài因信來堅立tī任何困境中，因為基督徒已經體驗tio̍h人生ê上好ê寶。人生境遇kap困難定定kap咱生活鬥陣，只有tī你人生中建立ē-tàng放心ê實體，he就是hō͘主耶穌基督tī你ê人生排第一位。
|
義重如山2010.10.10
用這來省思基督徒ê信仰生活kap耶穌基督ê關係，咱對主ê信任到什麼程度？咱用juā-tsē真誠ê疼來對待tsit位siōng好ê朋友？
|
疼ê原則2010.10.03
咱ài會記，愛必須uì信心去完成伊，共同ê成長會hō͘愛koh-khah完美。改善你ê個性、價值觀kap思想，用khah積極ê心態去適應你ê人生環境，一定ē-tàng收成人生理想ê目標kap結果。切記！停頓不進會將愛teh死！人生就會烏暗無希望。
|
|
只要你用信仰來建立你ê人生，無論任何境況，你lóng會超越。
|
|
烏西雅王ê事例是一面鏡，用伊ê情形不斷來反省咱ê生活，ài做永遠ê成功者，必須ài堅持到底tsiah有勝利ê冠冕。
|
|
幸福ê人生就是：1）（a）倚靠上上帝ê人（b）敬畏祂，行祂ê路（c）歡喜tī上帝ê聖殿。2）（a）過失得tio̍h赦免（b）有上帝恩疼（c）聽上帝、肯受管教。3）（a）掠tiâu主（b）告白信仰（c）buē因主來跋倒。4）（a）問心無愧（b）歡喜付出（c）ē-tàng tī上帝國食飯。
|
|
總講一句，持守真道，大聲講出tuì耶穌基督ê信仰，bē-tàng因為基督來跋倒，án-ne tsiah ē-tàng創造幸福ê人生。
|
|
過失得tio̍h赦免，追求一生有上帝ê恩典kap慈愛，以順服ê心去聽從上帝ê話，肯接受上帝ê管教，絕對無m̄-tio̍h！
|
|
追求人生ê福樂，是人生生活ê重點，雖然幸福ê觀點kap定義，每一ê人無仝，但是對一個信仰者來講，伊確實是建立tī kap上帝ê正確關係頂kuân。
|
|
完成理想一定有真tsē阻礙。尼希米ē-tàng持守：（一）對上帝絕對ê信心，（二）對人民ê愛心去行。Tsit二者實在是勝利ê根本動力。
|
|
只要人ē-tàng順從上帝，實行主ê道路，上帝ê應允kap賜福就會降tī你身上，發出kah-ná天星ê光，耶和華beh做你ê保護，你求告，耶和華必定垂聽，你ê人生會kah-ná肥沃ê田園，有流不盡ê泉源，耶和華beh 提升你，承接應允之地！成做非常完美ê境況，這就是復興。
|
|
基督徒ê信仰kap環境，有時會處tī危機kap挑戰中，信仰ê狀態mā會起起落落，今á日所特別需要ê，是得tio̍h有利ê靈屬境況，若ē-tàng不斷來進入伯特利，to̍h ē-sái hō͘咱ê屬靈性命koh-khah完全進步。
|
|
咱ài學習亞伯拉罕對上帝完全ê信靠，對人類靈魂ê熱愛，以及謙遜ê心，koh一pái做信仰ê省思，咱ê存在如何？tī腐化ê社會中，咱kám有發揮基督徒ê功能？或者是成做別人ê阻礙？
|
|
本會成立編輯小組，並利用上班之餘ê時，將林牧師ê講道稿整理出版，希望藉tio̍h文字ē-tàng儘量傳達林牧師講章讀真義，來榮神益人。
|
|
每一pái讀林宗要牧師ê講章，我lóng會受感動。伊ê講章，處處lóng teh見證上帝ê疼，並闡明基督徒應該有ê信仰kap生活態度。
|
|
雖然我對主ê呼召並無確切ê時間體驗，但tī進入神學院ê時就存感恩ê心，抱tio̍h完全委身ê奉獻心態去面對神學教育kap將來ê牧會工作。
|
