|
Tsitmá, i phīⁿtio̍h khah tshiⁿ ê hueh bī, só͘í kasok tsiântsìn, nâsik ê pōikî phòakhui háitsúi ti̍tti̍t lâi. /Tsitmá，牠鼻tio̍h khah tshiⁿ ê血味，所以加速前進，藍色ê背鰭破開海水直直來。
|
|
Tsûn khaisí khíkiâⁿ, i pòaⁿ theⁿ tī tsûnbóe, kā tsûn sái hiòng sailâm. /船開始起行，伊半theⁿ tī船尾，kā船駛向西南。
|
|
Góa ài kín tsúnpī hó ittshè, liáuāu kā i thua oá lâi, pa̍k ho͘ hó, koh tshāi ûikan, sing tsûn phâng, thang tńgkhì tshù ·ni̍h. /我ài緊準備好一切，了後kā牠拖oá來，縛ho͘ 好，koh tshāi桅杆，升船帆，thang tńg去厝裡。
|
|
Tsóng sī, i kā kakī kó͘lē kóng, Bē lah, lí tòng ē tiâu lah, lí éngoán lóng tòng ē tiâu lah. /總是，伊 kā ka-kī鼓勵講：Bē lah，你擋ē tiâu lah，你永遠lóng擋ē tiâu lah。
|
|
Tsi̍t khaisí, i khòaⁿ tio̍h ê sī tsi̍tê tn̂gtn̂g ê o͘ iáⁿ, ēng tsin tn̂g ê sîkan tsiah nǹg kòe tsûnté; i m̄ káⁿ siongsìn i ū hiah tn̂g. /一開始，伊看tio̍h ê是一个長長ê烏影，用真長ê時間tsiah nǹg過船底；伊m̄敢相信牠有hiah長。
|
|
Hit sî, i hutjiân kámkak i siang tshiú la̍k tio̍h ê hîsòaⁿ teh tshuah, teh giú, la̍tthâu tsin béng, tsin ngē, koh tsin tāng. /Hit時，伊忽然感覺伊雙手la̍k tio̍h ê魚線teh tshuah，teh giú，力頭真猛，真硬，koh真重。
|
|
Tsóng sī, àmsî i ê piáuhiān bē bái, kantaⁿ kiùkin tsi̍t pái. I nā koh kiùkin, hō͘ i khì hō͘ hîsòaⁿ kuahtn̄g hó lah. /總是，暗時它ê表現bē bái，kantaⁿ kiù筋一pái。它若koh kiù筋，hō͘ 它去hō͘ 魚線割斷好lah。
|
|
I íking khì ho͘ hî giú tó tī tsûnthâu, bīn ah tī hit phìⁿ pueo͘hó͘ bah téngbīn, oântsoân bô huattō͘ tíntāng. /伊已經去ho͘ 魚giú倒tī船頭，面押tī hit片飛烏虎肉頂面，完全無法度振動。
|
|
Tī tsheⁿkng hā, kah tī jú lâi jú léng ê àmmê, i tsia̍h pòaⁿ phìⁿ pueo͘hó͘ ê bah, kah tsi̍t bóe khì paklāi kah thâu ê pueo͘. /Tī星光下，kah tī jú來jú冷ê暗暝，伊食半片飛烏虎ê肉，kah一尾去腹內kah頭ê飛烏。
|
|
Koh tsài kóng, tsitmá tī tsia̍hmi̍h hongbīn góa mā iâⁿkòe i. /Koh再講，tsitmá tī食物方面我mā贏過牠。
|
|
Koh tsài kóng, tsitmá tī tsia̍hmi̍h hongbīn góa mā iâⁿkòe i. /Koh再講，tsitmá tī食物方面我mā贏過牠。
|
|
He kám sī inūi siūkhì, á sī inūi soktō͘ siuⁿ kín tsiah ē ánne?/He kám是因為受氣，á是因為速度siuⁿ緊tsiah ē ánne？
|
|
O͘lâng ê iáⁿ tsin tōa, bîhong tshue tíntāng tinghóe ê sî, lângiáⁿ mā tòe leh iôtāng./烏人ê影真大，微風吹振動燈火ê時，人影mā tòe leh搖動。
|
|
Ta̍k pái lóng sī sin ê tsi̍t pái; ta̍k pái tsèngbêng ê sî, i lóng bô khì hôesióng kòikhì./Ta̍k pái lóng是新ê一pái；ta̍k pái證明ê時，伊lóng無去回想過去。
|
|
Lāulâng siūⁿ, góa m̄ tsai i ná ē thiàutshut tsúibīn. I thiàu khí lâi, kahn á sī beh hō͘ góa khòaⁿ i ū gōa tōabóe, hoâiⁿti̍t taⁿ góa tsai ā./ 老人想：我m̄知牠ná ē跳出水面。牠跳起來，kahná是beh hō͘ 我看牠有gōa大尾，橫直taⁿ我知ā。
|
|
I gia̍h ba̍k khòaⁿ thiⁿ, khòaⁿ tio̍h pe̍hsik ê tsikhûn （cumulus）ná tshintshiūⁿ tsi̍t tui siâⁿ lâng ê pingkilîn （ice cream）, téng koân koh ū po̍hpo̍h ná újiông ê kńghûn （cirrus） phû tī koânkoân ê káugo̍eh thiⁿ. /伊gia̍h目看天，看tio̍h白色ê積雲（cumulus）ná親像一堆siâⁿ人ê冰淇淋（ice cream），頂koân koh有薄薄ná羽絨ê捲雲（cirrus）浮tī koânkoân ê九月天。
|
|
I koh the̍h tsi̍t tè kui liâu ê hîbah lâi pō͘./伊 koh the̍h一塊kui liâu ê魚肉來pō͘。
|
|
I tōa siaⁿ kóng,"Gín'á nā tī tsia, jîtshiáⁿ góa nā ū tsi̍t kóa iâm to̍h hó à."/伊大聲講：「Gín'á若tī tsia，而且我若有一kóa鹽to̍h好à。」
|
|
M̄ koh gín'á bô tī tsia, i siūⁿ./M̄ koh gín'á bô tī tsia, i想 (siūⁿ).
|
|
I koh tōa siaⁿ kóng,"Gín'á nā tī tsia to̍h hó lah." /伊 koh 大聲講：「Gín'á若 tī tsia to̍h好 lah。」
|
|
Kui mê, hî lóng bô káipiàn lō͘sòaⁿ, mā bô káipiàn honghiòng, lāu lâng khòaⁿ tsheⁿ to̍h tsai. /Kui暝，魚lóng無改變路線，mā 無改變方向，老人看星 to̍h 知。
|
|
Góa nā khòaⁿ ē tio̍h i to̍h hó à; hō͘ góa khòaⁿ tsi̍t pái to̍h hó, thang hō͘ góa tsaiiáⁿ góa ê tùitshiú tàuté sī seⁿ tsò siáⁿ khoán. /我若看ē tio̍h牠to̍h好à；hō͘ 我看一pái to̍h好，thang hō͘ 我知影我ê對手到底是生做啥款。
|
|
Tsitmá, i íking tsúnpī hósè à; tûliáu tng teh ēng ê tsit khún, i iáu ū saⁿ khún 75 kongtshioh tn̂g ê pī'iōng hîsòaⁿ thang ēng ā. /Tsitmá，伊已經準備好勢à；除了當teh用ê tsit綑，伊iáu有三綑75公尺長ê備用魚線thang用ā。
|
|
Lāu lâng tōasiaⁿ kóng,"Tshńg'á! i ē tàng tsò tsi̍tê tsin tsán ê jī, i ingkai ū tshit, peh kin tāng."/老人大聲講：「串á！牠ē-tàng做一个真tsán ê餌，牠應該有七、八斤重。」
|
|
Lāulâng putjímsim, to̍h ēng kùn'á kòng i ê thâukhak, koh kā i iáu teh phi̍hphi̍h tsùn ê singkhu that khì tsûnbóe ê ìmńg ē bīn. /老人不忍心，to̍h用棍á摃牠ê頭殼，koh kā牠iáu teh phi̍hphi̍h顫ê身軀踢去船尾ê蔭影下面。
|
|
老人大聲講：「牠有看tio̍h啥，牠m̄是kan-taⁿ teh tshōe。」
|
|
Lāulâng siūⁿ, góa íking tī"tōa tséⁿ"phahpiàⁿ kui lépài à, m̄ koh siáⁿmi̍h to bô lia̍h tio̍h./ 老人想：我已經tī「大井」phah拚kui禮拜à，m̄ koh啥物都無掠tio̍h。
|
|
I hō͘ hái lâu tshut saⁿ hun tsi it ê la̍t thè i kò tsûn, tng thiⁿ phah phú kng ê sî, i khòaⁿ tshut i tsit sî íking lâi kàu pí i só͘ ǹgbāng ê koh khah hn̄g ê só͘tsāi ā. 伊hō͘ 海流出三分之一ê力替伊划船，當天phah phú光ê時，伊看出伊tsit時已經來到比伊所ǹg望ê koh khah遠ê所在ā。
|
|
I tī tsûnthâu ū khǹg tsi̍t koàn tsúi, he to̍h sī i kui kang só͘ suiàu ê ittshè.
|
|
伊tī寮á外口小便，然後行路去叫gín'á。清早ê涼冷害伊起kalúnsún，m̄ koh伊知，顫一下to̍h bē寒ā，而且，liâmpiⁿ伊to̍h beh去划船ā。
|
|
“M̄ koh, siōng hó ê thóhái lâng sī lí.”/「M̄ koh，siōng好ê討海人是你。」
|
|
Góa mā ài kā i tsúnpī lēnggōa tsi̍t niá siátsuh kah kôaⁿthiⁿ ê gōathò, iáu ū ê'á, kah tsi̍t niá thán'á./我mā ài kā伊準備另外一領siá-tsuh kah寒天ê外套，iáu有鞋á，kah一領毯á。
|
|
“Àmtǹg,”gín'á kóng,”Lán lâi tsia̍h àmtǹg.”/「暗頓，」gín'á講：「咱來食暗頓。」
|
|
“M̄ koh, góa tamsim Cleveland ê Indians ē iâⁿ.”/「M̄ koh，我擔心Cleveland ê Indians ē贏。」
|
|
“Lán sing kā mi̍hkiāⁿ the̍h tńgkhì tshù ni̍h,”Gín'á kóng.”Góa tsiah the̍h phabāng khì lia̍h un'á."/「咱先kā物件the̍h tńg去厝裡，」gín'á講。「我tsiah the̍h拋網去掠鰮á。」
|
|
"Lí sī tsintsiàⁿ ē kìtit, á sī āulâi thiaⁿ góa kā lí kóng ê?"/「你是真正 ē記得，á是後來聽我 kā 你講 ê？」
|
|
"M̄ koh, lí kám bē kìtit, lí bat pehtsa̍ptshit kang lia̍h bô hî, āulâi liânsòa saⁿ lépài lóng lia̍h tio̍h tōa bóe hî." /「M̄koh，你kám bē記得， 你bat八十七工掠無魚， 後來連續三禮拜lóng掠tio̍h大尾魚。」
|
